سلێمان رەمەزان: راوەستیانا خولێ وێستگەهە بۆ بەرهەڤیێ و ڤەگەڕاندنا چالاکیا یاریزانان
د دیدارەكێ دا راهێنەرێ تیما تەپا پێی یا یانەیا دهۆك دیار كر بڕیارا راوەستانا هەڤڕكیێن خولا پلا نایابا ئیراقێ یا باش بوو و دێ بیتە وێستگەها بەرهەڤیێن تیما مە بۆ یاریێن مایی ژ خولێ و دەلیڤەیە بۆ ڤەگەڕیانا چەستەیێ یاریزان.
زێدەتر سلێمان رەمەزان بۆ رۆژناما ئەڤرۆ گۆت: راوەستیانا هەڤڕكیێن خولێ یا باشبوو و ئەم پێدڤی ب ئەڤێ بڕیارێ بووین، ژبەر كو تیما مە یا وەستیایە و پێدڤی ب بهێنڤەدانەكێ یە، لەوما بۆ ماوەیێ چەند رۆژەكێن كێم مە دەلیڤە دا یاریزانان بێهنا خوە ڤەدەن و دووڤدا ئێكسەر دەست بەرهەڤیان هاتیە كرن و خالان سەرەكی دێ ڤەگەڕیانا چەستە و هێزا یاریزانێن مە بیت، وەكو كادرێ راهێنانێ بەرنامەك یێ دانایی پێخەمەت بگەهینە ئەوێ ئارمانجێ بەری دەستپێكرنا هەڤڕكیێن خولێ.
هەروەسا ناڤهاتی گۆت: ل دووڤ پلانا هاتیە دانان دێ سوبەهی یاریەكا هەڤالینی بەرانبەر یانەیا تەلەبە ل یاریگەها خوە كەین دەمژمێر شەشێ ئێڤاری، پێنەڤێت دێ دەلیڤە بۆ پرانیا یاریزانێن مە هێتە دا ژوانا یێن یەدەك بۆ وەرگرتنا دووماهی بەرهەڤی، یا گرنگ بوو مە یاریزان ژلایێ چەستەیی و دەرۆنی بەرهەڤبیت تایبەت ئەوان یاریزانێن كو د دەمێ خولا كوردستانێ دا گڤاشتن ل سەر هەبووینە
بۆ زانین ئێكەتیا تەپا پێی یا ئیراقێ بڕیاردا یاریێن خولێ ژ چار هەتا 21ێ ڤێ هەیڤێ بهێنە پاشئێخستن پێخەمەت دەلیڤەدان بۆ هەردو هەلبژارتیێن ئۆلمپی و نشتیمانی یێن ئیراقێ پشكداری هەلكەفتا حەفتیا فیفایێ بنب ئەنجامدانا یاریێن هەڤالینی، پشتی بۆرینا 32 یاریێن خولێ تیما یانەیا دهۆك ب 45 خالان رێزا هەشتێ دهێت ب11 سەركەفتن، 12 وەكهەڤی و نەه خوسارەتیان، یاریا بهێت دێ ل23ێ ڤێ هەیڤێ بیتە مێڤانا یانەیا ئەلقاسم ل یاریگەها كەربلا ژ خولا ئیراقێ.
