سلێمان ڕەمەزانی سەنگا ڕاهێنەرێ كورد پاراست
حاجی دوسكی
وەكۆ دیار ڕاهێنەرێ فوتبولێ شەنگستێ سەرەكییە دناڤ هەر یانەیەكێ دا، ناهێتە هژمارتن كەسەكێ تنێ هندەك تێبنی یا ئاراستەی یاریزانان دناڤ گورەپانێ دا بكەت بەلكۆ دبیتە بەرپرسێ سەرەكی ژبۆ پێشئیخستنا ئاستێ تیمی، هەروسا ئەوان جیاوازیێن پەیدابیت د ئەنجامێن تیمێ دا، ئەركێ راهێنەری گەلەك لایەنان بخۆڤە دگریت ژوانا دانانا پلان و تەكتیكا گونجای بۆ تیما خۆ لدووڤ شیانێن بەردەست سەردەریی دگەل كاودانێن نەخۆش دەمێ تیم دكەڤیتە تێدا گەلەك خالێن دی هەنە، لێ یا من دڤێت ئامەژەیی پێ بدەم ئەم كورد خودان كەسێن شیانین ئەگەر دەرفەت بۆ بهێتە خۆشكرن، جەماوەر پشتەڤانبن هەتا تیم دكەڤیتە سەر رێیەكا دروست، دەمێ یانەیا دهۆك شیایی ناسناڤێ كۆپا ئێراقێ دەستخۆڤە ئینای جەماوەر گەل دلخۆش بوو تایبەت خۆشیا ڤی سەركەفتنێ لسەر دەستێ كەسەكی بیت كوڕێ باژیرێ مە بیت دهوكێ كاپتن سلێمان رەمەزان كو شیایی دهۆكێ قورتالبكەت ژ وێ كاودانێ پشتی چوونا ڕاهێنەر مێرالی و هاتنا ڕاهێنەر ئەزرەفشانی نەشیا بەردەوامیی ب دەتێ لێ ژبەر دلسۆزییا ڕاهێنەر سلێمانی بۆ ناڤێ دهۆكێ ئەڤ ئەركە وەرگرت، بۆزانین هەر ڕاهێنەرەكێ دی با ئەڤ داخوازییە ژی هاتبا كرن دا ڕەدكەت ژبەر رازیكرنا جەماوەرێ دهوكێ نە كارەكێ ئاسانە، دڤی دەمی دا كارگێرییا دهوكێ بڕیارا دەستنیشانكرنا كاپتن سلێمانی گەلەكا دروست بوو ژبەركو ڕاهێنەرەكێ گەلەك نێزیكێ یانەیێ بوو ئەڤچەند رێكخۆشتر لێ كر بشێن وان كیمَاسیێن پەیدابووی دناڤ تیمێ دا تایبەت پشتی چوونا مێرالی چارەبكەت، كاروانێ یانەیا دهۆك یێ ئەڤ سالە یێ سەركەفتی بوو، دەستڤەئینانا دو كۆپا یا دلخۆشكەربوو، ئەڤ هەردو كۆپایە ل سەردەستێ ڕاهێنەرێن كورد بوو، كاپتن سلێمان رەمەزان سەنگا ڕاهێنەرێن كورد پاراست هوسا دیاركر بۆ ڕاگەهاندنا ئێراقێ و عەرەبی شیانێن ڕاهێنەرێن كوردستانێ هیچ كێمتر نینە ژوان ڕاهێنەرێن باژیرێ بەغدا هاتینە دهۆكێ، هەر گاڤا پشتەڤانیا دروست ل وەرژشڤانێ كورد بهێنەكرن ئەوژی دی شێت ناڤێ باژیرێ خۆ بلندكەت، ئەگەر بۆ وەرزێ نوو 2025-2026سلێمان رە مەزان دگەل یانەیا دهۆك بەردەوام بوو دڤێت كارگێری دەرفەتێ دەتێ بۆ دەستنیشانكرنا وان یاریزانێن ئەوێن پێتڤی هەروسا راهێنەر پتر ستافی خۆ بەرفرەهكەت كەسانێن خودان ئەزمون و ئەكادیمیی بینە دگەل ستافێ ڕاهێنەران دی كارێ كاپتن سلێمان ب سانەهیتر بیت.
