سندوقه‌ك بۆ وان زارۆیێن نه‌خۆشیا په‌نجه‌شێرێ هه‌ین هاته دانان
ئه‌ڤرۆ نیۆز،زنار تۆڤى:
دكتۆر نزار به‌كر رێڤه‌به‌رێ نه‌خۆشخانا هیڤى یا زارۆیان ل دهوكێ بۆ ئه‌ڤرۆ نیۆز دیاركر:ب هه‌ڤكاریا پارێزگه‌ها دهوكێ و رێڤه‌به‌ریا ساخله‌میا دهوكێ لیژنه‌یه‌ك هاتیه پێكئینانان بۆ دانانا سندوقه‌كێ بۆ هاریكاریكرنا وان زارۆیێن نه‌خۆشیا په‌نجه‌شێرێ هه‌ین ل دهوكێ و د قۆناغا ئێكێ دا سندوقێن خۆجه دێ ل فاملى مۆل و دهوك مۆل و مزگه‌فتا جۆدى و مزگه‌فتا حه‌جى ئه‌حمه‌دى و ل نه‌خۆشخانا هیڤى یا زارۆیان هێنه دانان،هێشتا دبێژیت:نوكه 210 زارۆ توشى ئێشا په‌نجه‌شیرێ بووینه و هه‌ر ئێك ژ وان دناڤبه‌را (2_3) سالان دێ چاره‌سه‌ریا وه‌رگریت و هه‌روه‌سا هه‌تانوكه 80 زارۆ چێبووینه و ژ ڤێ ئێشێ قورتالبووینه و دیسا هه‌تاكو نوكه ل دۆرێن 80 زارۆیان ب ڤێ ئێشێ گیانێ خوه ژ ده‌ستدایه،دكتۆر نزارى گۆت ژى:مه‌ره‌م ژ دانانا ڤان سندوقان بۆ مه‌ره‌مان ڤه‌دگه‌ریت،ئێك بۆ هندێ بوویه كو سه‌نته‌ره‌ك ب ڤان پاران بۆ وان زارۆیێن نه‌خۆشیا په‌نجه‌شێرێ هه‌ى بهێته ئاڤاكرن و هه‌روه‌سا دیزاین ژى بۆ ڤى سه‌نته‌رى ل وه‌لاتێ ئیتالیا هاتیه دانان و تێچویێ ئاڤاكرنا ڤى سه‌نته‌رى دگه‌هیته 6 ملیۆن دۆلاران و جه ژى بۆ هاتیه ئاماده‌كرن،مه‌ره‌ما دویێ ژى ئه‌وه كو ده‌رمان و پێدڤیێن وان زارۆیێن ئه‌ڤ نه‌خۆشیه هه‌ى بهێنه دابینكرن،ئه‌و ژى گۆت:هه‌تاكو نوكه زه‌نگینه‌كێ دهوكێ 600 ملیۆن دینار وه‌كو هاریكارى داینه بۆ وان زارۆ نه‌خۆشیا په‌نجه‌شێرێ هه‌ین و هه‌روه‌سا پارێزگه‌ها دهوكێ ژى 400 ملیۆن دینار داینه.
