سندۆقا دراڤی یا نێڤدەولەتێ دێ قەرێن مەزن دەتە حوکمەتا عیراقێ کەت
ئه‌ڤرۆ نيوز:
بەرپرسێ سندۆقا دراڤی یا نێڤدەولەتی راگەھاند، د بەرنامێ سندۆقا واندایە گەنەگەشێ ل سەر پێدانا قەرێن مەزن ب حوکمەتا عیراقێ ب دەتن.
مەسعود ئەحمەد، رێڤەبەرێ کارگێری یێ رۆژھەلاتا ناڤەراست و ئاسیا یا ناڤەراست سندۆقا دراڤی یا نێڤدەولەتی ب ئاژانسا دەنگۆباسێن رۆیتەرز راگەھاند، تیمەکێ سندۆقا نێڤدەولەتی ل دەستپێکا ڤێ ھەیڤێ دێ دەست ب دانوستاندنێ ل گەل حوکمەتا عیراقێ کەن، سەبارەت ب پێدانا قەرێن مەزن بۆ سالا ٢٠١٦ بۆ وەلاتێ عیراقێ، ب مەرەما بنجھکرنا رەوشا داراریی یا عیراقێ کو تووشی شلەژانەکێ بوویە ب سەدەما دابەزینا بھایێ پەترۆلێ و شەرێ دژی رێکخراوا تیرۆرستی یا داعشێ.
ل گۆڕ پرۆژە قانوونا بوودجا سالا (٢٠١٦) ێ یا عیراقێ کو ژ ئالیێ جڤاتا وەزیران ڤە ھاتیە پەسەندکرن، کو بڕیارە بھێتە رەوانەکرن بۆ پەرلەمانێ عیراقێ، بودجا عیراقێ کورتھئینانا وێ گەھشتی یە (٢٣) ترلیۆن دیناران، قەرێن سندۆقا دراڤی یا نێڤدەولەتی ژی یا گرێدایە ب سیاسەتا ئابۆریا دەولەتێ ڤە دبیاڤێن کێمکرنا پشتەڤانیا کەرتێ وزە و چاکسازیان و کۆمپانی و کارگەھێن مولکێ دەولەتێ، ئەو ھەموو پێنگاڤ ژی ژ ئالیێ سیاسی ڤە زۆر دقورسن بۆ رەوشا عیراقێ یا نھا.
