سنوور
شەمال ئاكرەیی
د دلێ باژاڕەكێ تەژی گێلەشۆك دا، كو رۆناهی و تاریێ هەڤدو هەمبێزدكر. سیپانی ب دودلی چاڤێن خۆ ڤەكرن. چاخێ سیناهییا چاڤێن وی ب دیمەنێن دەردۆر كەفتین، دلێ وی یێ پڕ ژ ترس و گۆمانێ بلەزتر خۆ قوتا. ئەو وەك پەنابەرەكێ بارگە.كری ب هیڤییان گەهشتبوو وی واری و دوهییا خۆ ل پشت ١٦ سنوران هێلابوو.
بەرێ خۆ دا خەلكێ و رابوون و روینشتنێن وان، ل گەل یێن هەڤنفشێ خۆ هەڤبەركرن، رۆندك ژ چاڤێن وی بوونە سویلی.
هەر ژ وێ رۆژێ زانی، كو راستە ئەوی ئەو سنوور بڕینە دا بگەهتە وێ «شاما شەریف»، بەلێ نها ئەو ب تنێ ب گەودێ خۆ، ل سەر ئاخەكا دی یا نامۆ یە.
