سنێری و شڤیۆنتینگێ سەرێ لیستێ پاراستن
فدراسیۆنا تێنسا ئەردی یا جیهانێ نووترین رێزبەندییا باشترین دەهـ یاریزانێن پیشەكار ل سەر ئاستێ جیهانێ ڕاگەهاند تێدا یێ ئیتالی یانیك سنێر بۆ مەها سێیێ ل دووڤ ئێك سەرێ لیستا باشترین یاریزان پاراست و یێ سربی نۆڤاك دیۆكۆڤێچ پاشڤەچوو رێزا چارێ د لیستا گشتی دا.
یانیك سنێر شیا سەرێ لیستێ پارێزیت ب 11920 خالان رێزا ئێكێ بهێت، یێ ئیسپانی كارلۆس ئەلكاراز ب كۆمكرنا 7120 رێزا دویێ دهێت، یێ ئەلمانی ئەلیكسەندەر زڤریڤ ب كۆمكرنا 6735 خالان پێشڤە هاتە رێزا سێیێ، ژلایێ خوەڤە قارەمانێ دیار یێ جیهانی ستێرێ سربی نۆڤاك دیۆكۆڤێچ پاشڤە چوو رێزا چارێ ب 6210 خالان، ل سەر ئاستێ كچان یا پۆلەندی ئیگا شڤیۆنتینگ ب كۆمكرنا 9785 سەرێ لیستێ پاراستیە، یا بیلارۆسیا ئارینا سابیالینكا رێزا دویێ دهێت ب 9716 خالان و یا ئەمریكی كۆكۆ جۆڤ ب5973 رێزا سێیێ دهێت.
