سهد رۆژ..
سهد رۆژ..
(ههلسهنگاندنهكا دهستپێكی)
رهمهزان نسردین كێڤلى
دیاره ل دهستپێكا دورستبوونا ههر حوكمهتهكێ، كارناما وێ بۆ چار سالان زۆرا گرنگه، چونكو ههر حوكمهتهكا بێ كارنامه، یانژى بێ بهرنامه و پلان باوهرناكم بشێت یا سهركهفتى بیت و ئارمانجێن خوه ژبۆ خزمهتكرنا ههڤوهلاتیان جێبهجێ بكهت, پێدڤیه ل سهر ههر حوكمهتهكێ ههڤوهلاتى بكت سهنتهر بۆ گشت خزمهتگوزاریێن خوه و نهخاسمه بۆ حوكمهتا ههرێما كوردستانێ ل ل ههمى قووناغێن مێژویێ دا، تاكێ كورد هاتیه پشتگوه هاڤێتن بهلكو دژایهتیا وی ژى هاتیهكرن ب ههمى شێوهیان و حوكمهتا پاك چهند سالۆخهت ههنه، مه بهرى نوكه ل گۆتارهكێ دا ئاماژه پێكرینه بهلێ ب كورتى دڤێت ژ ههمى لایهكێ ڤه شهفافیهت ههبیت و قانوون سهروهربیت و رۆلێ چاڤدێركرنێ زۆرێ بهێز بیت و پێرابوون ژ گهندهلكاران بهێنه وهرگرتن.
ل گۆتارا سهرۆك وهزیران دا ئهوا ب ههلكهفتا دهربازبوونا سهد رۆژان پێشكێشى رایا گشتى كرى، ب دیتنا من گۆتارا وى بخوه ئاماژهكه كو خهلك ببته دادوهر بۆ ههلسهنگاندنا كارو و خزمهتێن حوكمهتێ و خالێن زۆر گرنگ مه ههست پێكرینه ژ وان بۆ كومكرنا ههمى داهاتێ ههرێمێ ل وهزارهتا دارایێ ب جۆرهكێ ههمى خهلك و لایهنێن سیاسى بزانن ئهڤ داهاته چهنده و چاوا دهێته مهزاختن و كاركرنا حوكمهتێ بۆ زیادكرنا داهاتێ ناڤخوه ب دیتنا دڤێت نه ل سهر كیستێ خهلكى بیت، بهلكو حوكمهت ب رێیا كێمكرنا خهرجیاتێن خوه ههولێن باش بكهت و شهفافیهتێ بهرجهسته بكهت و ههولێن حوكمهتێ بۆ زێدهكرنا داهاتێ وێ ب رێژا 5% كارهكێ زۆر باشه.
سهبارهت پرسا گهندهلیێ ههمى ئاماژێن سهرۆك وهزیران دلخۆشكهر بووینه كو ههتا نوكه شیاینه ب سهدان ناڤێن وههمى ژ لیستێن مووچهخۆران دهربێخن، یانژى رێكارێن توند گرتینه بهر بهرامبهرى گهندهلكاران و سزادان و سهرهدانێن لژنێن تایبهت ل ههمى وهزراهتان ئێكه ژ رێكارێن دورست وهكو كارێ چاڤدێریێ ل سهر فهرمانگههێن حوكمهتێ و ل ماوێ بۆریدا، تایبهت ل سنۆرێ پارێزگهها دهۆكێ ل دووڤ وان زانیاریێن مه ههیێن گهلهك لژنێن تایبهت هاتینه و چاڤدێریا گشت وارهكی كرینه و ههتا رادهیهكێ خهلك و فهرمانبهر پشتراست بووینه ژ وهرگرتنا پێرابوونان، بهلێ ب دیتنا من پێدڤیه ل سهر ئاستێ ههرى بلند وهكو پرۆژێن وهبهرهینانێ و دیسا وان مساتحاتێن هاتینه وهرگرتن و چهندێن پرۆژێن نیڤهروو حوكمهتێ رۆلهك ههبیت بۆ پتر خزمهتكرنا خهلكى و سزادانا گهندهلان و دهرباهرى چاكسازیێ ب دیتنا من دیاربوویه كو هندهك لایهنێن سیاسى ئاستهنگن ل بهرامبهرى قانوونا چاكسازیێ لهورا دڤێت سهرۆك وهزیران ل گهل جێگرێ خوه وێ ئیرادێ بچهسپینن و ب زووترین دهم ئهڤێ قانوونێ رهوانهى پهرلهمانى بكهنن چونكو ب دیتنا من چ بههانه نینن بهرامبهر سهرۆك وهزیران كو بابهتێ قانوونا چاكسازیێ بهێته گیرۆكرن، بۆ نموونه پارتا وى ل پهرلهمانى 45 كورسیك ههنه و دشێت ئهڤێ قانوونێ ب زۆرینه پهسهند بكهت و ژلایهكێ دیڤه، پتریا خهلكێ كوردستانێ پشتهڤانن بۆ ههر پێنگاڤهكا ب ڤى رهنگى و خالا ههرى بالكێش رهوشا دخوازیت هندێ كو چاكسازیێن بنهرتى بهێنه ئهنجامدان و بابهتێ خودێ كهسایهتیا سهرۆك وهزیران بۆ وی ژى، دێ بیته خالهكا وهرچهرخان د مێژوویا و یا كهسایهتى دا كو بشێت كارهكێ ب ڤى رهنگى بكهت و مللهتێ كورد ژ قووناغهكێ بهر ب قووناغهكا بهێزتر ڤه ببت. ئاماژه ههمى بهر ب هندێ ڤه دچن ئهڤ چهنده بهێتهكرن و پێچهوانهى وێ دهستههلاتا سیاسى دێ باجا خوه دهت كوردستانهك ب هێز پێدڤى ب ئیرادهك سیاسى ب هێز ههیه بۆ چاكسازیێ.
