سه‌را بێهنا گۆرا هاته گرتن
ئه‌ڤرۆ نیۆز، نه‌وزاد هلۆرى:
ئێك ژ ولاتيێن وه‌كو نه‌فه‌ر بناڤێ (بروكاش كومار – 27 سال) ل پاسه‌كا نه‌فه‌ران سیاربوو كو به‌ر ب نیودلهى ڤه دچوو، به‌لێ ژبه‌ر بێهنا گۆرێن وى پتريا نه‌فه‌ران داخوازا ده‌ركرنا وى دكر ژ پاسێ، ئه‌و نه‌فه‌ر ژى یێ رژد بو كو ژ پاسێ نه‌هێته‌خوار و د ئه‌نجام دا پۆلیس هاتنه ئاگه‌هداركرن و خودانێ گۆرا ژى هاته گرتن.
ل دووڤ ده‌نگوباسه‌كى كو BBC به‌ڤلاكری، ئاریشه ل وى ده‌مى ئاشكرابوو ده‌ما كو نه‌فه‌ران ل به‌رده‌رگه‌هى پێلاڤێن خوه د ئێخستن و ب پێخواسى دچونه د پاسێ دا و هه‌ر چه‌ند نه‌فه‌ران بۆ چه‌ندین جاران داخواز ژ خودانێ گۆرا كر كو گۆرێن خوه بێخیت و ب هاڤێژیت به‌لێ ئه‌و یێ رژدبۆ گۆرێن خوه نه‌ئێخیت وب هاڤێژیت و ئه‌ڤ یه‌ك ژى بوویه ئه‌گه‌ر كو دانوستاندنێن دژوار دناڤبه‌را وان دا درۆست ببن و كار گه‌هشته وى راده‌یى هه‌تاكو پاس ل نێزیك بنگه‌هه‌كێ پۆلیسان ل ده‌ڤه‌را (هیماشال برادیش) هاتیه راگرتن و ئه‌و كه‌س هاته گرتن.
ئێك ژ وان نه‌فه‌ران بۆ رۆژنامه‌یا (هندستان تایمز) دیاركر، سه‌ره‌راى كو بێهنا گۆرێن وى زۆر نه‌بوویه و پتريا نه‌فه‌ران وه‌كو ترانه ئه‌ڤ یه‌ك دكر، به‌لێ ل دووماهيێ ژپاسێ هاته ده‌ركرن و ده‌سته‌سه‌ركرن.به‌لێ، پشتى كو ئه‌و نه‌فه‌ر هاتیه گرتن ، ب كه‌فاله‌ت هاته ئازادكرن.
