سه‌ردار عارف: خولا كوردستانێ ده‌رگه‌هه بۆ بجه ئینانا هیڤیێن مه‌زن
ئه‌ڤرۆ،
د دیداره‌كێ دا ستێرا گه‌نج یا تیما ته‌پا پێی و یانا دهۆكێ سه‌ردار عارف بۆ رۆ ژناما ئه‌ڤرۆ دیاركر ئه‌و گه‌شبینه ل گه‌ل هه‌ڤالێن خوه به‌رده‌وامیێ بده‌نه ئه‌نجامێن سه‌ركه‌فتی و هه‌روه‌سا خولا كوردستانێ وه‌كو ده‌رگه‌هێ ئێكانه بۆ بجه ینانا هیڤیێن مه‌زن دبینت.
زێده‌تر سه‌ردار عارف گوت: وه‌كو گه‌نجه‌ك ب هیڤیێن مه‌زن و پاشه‌رۆژه‌كا گه‌ش بۆ خوه دانایه ل گه‌ل یانا خوه كو د وه‌رزێ ئه‌ڤ ساله دا ب شێوه‌كێ باش ل گه‌ل هه‌ڤالێن خوه رژدین بۆ باشترین ئه‌نجام، هه‌رچه‌نده ل وه‌رزێ بوری ده‌لیڤه بوو من گه‌له‌ك نه هاتبوو دان وه‌كو یاریزانێ سه‌ره‌كی ل گه‌ل تیمێ لێ د ئه‌ڤ ساله دا شیایمه دشه‌ش یاریان دا دو گۆلێن سه‌ركه‌فتنێ تۆماربكه‌م و بوویمه هاریكار بۆ تۆماركرنا گۆلان.
هه‌روه‌سان ناڤهاتی ئه‌وچه‌نده ژی دیاركر خولا كوردستانێ راسته یا نافخویه و یانه نه‌شێت پشكداری قاره‌مانیێن ده‌رڤه بیت لێ وه‌كو ئاست و هونه‌رێ یاریان یا پری هه‌ڤڕكی یه و نێزكبوونا خالان دناڤبه‌را تیمێن دناڤ رێزبه‌ندیێ دا ئه‌ڤێ چه‌ندێ دیاردكه‌ت بوویه وێسگه‌هه‌ك یاریزان بشێوه‌كێ باشتر به‌رهه‌ڤ بیت بۆ خولا ئیراقێ و ده‌رڤه و كه‌یفخوشم ل یانا خوه و گۆت: هه‌كه گرێبه‌ستێن مه‌زن ژی بوو من بهێن دێ ڕه‌دكه‌م ژبه‌ركو یاریزانێ یانه‌كا مه‌زنم و من خه‌ون پێڤه دیتینه هه‌تا گه‌هشتیمه ڤی ئاستی وشانازیێ پێ دبه‌م و بیێ به‌رامبه‌ر ژی بیت دێ به‌رده‌وامبم.
هه‌روه‌سان سه‌ردار عارفی گۆت: گه‌هشتنا من بۆ ڤی ئاستی هه‌بوونا پشته‌ڤانیا مه‌عنه‌وی ژلایێ راهێنه‌رێ من غه‌زوان محه‌مه‌د و هه‌روه‌سان عیماد كۆڤلی و هه‌روه‌سان كاپتن هه‌رمان سالح كو شیایمه بگه‌همه ڤی ئاستی بووینه پشته‌ڤان لێ هندی من شیان هه‌بن و بگه‌همه ئاسته‌كێ بلند دێ هه‌ر خوه زه‌حمه‌ت ده‌م و راهێنانا كه‌م ژبۆ باشتر و هیڤییا من ئه‌وه ئه‌ڤ ساله ناسناڤێ كوردستانێ ب ده‌ستخوه‌ڤه بینین.
