سه‌ردار عومه‌ر: مه رێزێن پێشیێ دڤێن
د داخویانیەکێ دا سەرپەرشتێ تیما تەپا پێی یا زاخۆ ئەوا پشکدار د خولا نایابا کوردستانێ دا بۆ رۆژناما ئەڤرۆ دیار کر تیما وان ل سەر ڕێیەکا دروست دچیت بتنێ ل هێلا هێرشبەریێ کێماسی هەیە.
زێدەتر سەردار عومەر گۆت: ل دەستپێکا خولێ ئارمانجا مە پاراستنا تیمێ بوو ژ داکەڤتنێ لێ پشتی خول دەستپێکری مە ئاستەکێ باش پێشکێشکر و هەتا نوکە تووشی چو خوسارەتیان نەبوویە دنوکە دا ئارمانجا مە هاتیە گوهۆڕین و مە رێزێن پێشیێ دڤێت، به‌ری دەستپێکرنا خولێ هێرشبەرەکێ بەرازیلی دگەل مە دا بوو پشتی کەڤتیە ل بن تاقیکرنا راهێنەری دیاربوو ئاستێ وی باش نینە ژبەر هندێ مە هەڤبەستا وی گرێنەدا، تیما مە ل هەمی جهان یاریزانێن باش هەنە و شیاینە ئاستەکێ باش پێشکێشبکەن و هەمی ژی کورێن زاخۆ نە بتنێ ل هێلا هێرشبەریێ مە کێماسی هەنە و ئەم ل یاریزانەکێ هێرشبەر دگەرین داب ۆ قۆناغا دویێ، هەکە مه هێرشبەرەکێ گۆلكه‌ر هەبا دبیت ئەنجام باشتر بان، هه‌رچه‌وابیت باوەرییەکا مەزن ب کورێن زاخۆ هەیە و شیانێن خوە ژی بۆ مە دوپاتکرینە و دێ پشت بەستنەکا مەزن دانینە سەر وان.
ناڤبری گۆت ژی: سەرۆکێ یانێ و دەستەیا کارگێریا یانێ پشتەڤانیەکا باش ل تیما مە دکەن و وێ چەندێ وەکریە زێدەتر باوەری ل دەف مە پەیدا ببیت و پتر خوە ب واستینن ژ بۆ ب دەستڤە ئینانا ئەنجامێن باش د خولێ دا.
