سه‌روبه‌رێ كچێن سه‌رده‌م
به‌ژنوبالا كچێن سه‌رده‌م چو مه‌رج و سنۆر بۆ نین، ئێدی جیهانا مۆدیلێ به‌فره‌هبوویه و گه‌له‌ك مۆدیلێن نوو بخوه‌ڤه دگریت، به‌لێ ئه‌ڤێ چه‌ندێ ئه‌و ده‌لیڤه هێلایه كو ئه‌و كچێن دخوازن گه‌هه‌ۆرێ خوه بگوهۆرن؟ هه‌كه ئه‌م بچنه د قووناغا پێشخستنا هه‌ر كچه‌كێ دا، دێ خشته‌كی دانین بۆ ئێخستنه‌كا دروست بۆ ژیانا وێ كو هه‌ست ب بهایێ خوه یێ كه‌ساتی بكه‌ت و پله‌یا وێ یا جڤاكی ل ناڤ مالا بابێ خوه دا و پاشی چوونا وێ بۆ ناڤ جیهانا پێشڤه‌چوون و سه‌ركه‌فتنێ، باشه چاوا سه‌ره‌ده‌ریێ بكه‌ین ل گه‌ل كچێن مه دا كو مافێ وان بده‌ینێ ل دین و دنیایێ و دا كو هاریكاریا وێ بكه‌ین كو ته‌ڤلی جڤاكه‌كێ پێشكه‌فتی ببن، ژ ده‌رازینكا به‌رفره‌هترین ده‌رگه‌هێن وێ، له‌ورا ئه‌م كچێ راسپارده دكه‌ینه هه‌می لایه‌نێن جڤاكی هه‌تا كو ئایینێ مه ژی ته‌كه‌زی ل سه‌ر وێ ئێكێ كریه كو ب چاكی مه‌زن ببیت هه‌ر ژ زارۆكینیا خوه و هاریكاریا وێ بكه‌ین ل سه‌ر راستڤه‌كرنا كه‌ساتیێ، مه‌ره‌ما من هه‌ستیاریا وی راسته‌ڤه‌كرنێ، واته دڤێت سیسته‌مێ كچا سه‌ركه‌فتی ددین و دونیا دا، چونكو پێغه‌مبه‌رێ مه (س) گۆتیه(ساووا بین اولادكم فی العگیه ولو كنت مۆپرا احدا لاپرت النساء علی الرجال) ب ڤێ چه‌ندێ جوداهی د خێزانێ دا نه‌كریه د ناڤبه‌را ره‌گه‌زان دا، هه‌ر دیسا گۆتیه (من كان له پلاپ بنات اوپلاپ اخوات فاتقی الله واقام علیهن كان معی فی الجنه. . واوما بالسبابه والوسگی)(رواه مسلم والترمژی) واته یێ خودێ گه‌له‌ك كچ داینێ و یێ چاك بیت ل دووماهیێ جهێ وی دێ بحه‌شت بیت، ئه‌ڤه حیكمه‌تا ئاینێ ئیسلامێ یه. ئه‌ڤرۆ كچ یا خوه ب ئه‌نترنیێ ره‌وشه‌نبیر دكه‌ت، كچ ئه‌ڤرۆ دهێته هه‌لسه‌نگاندن ب بهایێ مۆبایلا وێ یان جلكێن ب بها یان كا چو چانته هه‌یه یان بابۆجا وێ چ ماركا جیهانی یه، ئه‌ڤه‌نه سنۆرێن پێشكه‌فتنێ و ڤی تێگه‌هی كارتێكرن كریه ل سه‌ر كچێن خوه پارێز یێن دهێنه پابه‌ندكرن ب مه‌رجێن بنه‌مالێ یێن دروست، ڤی تێگه‌هی هه‌سته‌ك په‌یداكر ل ده‌ف كچێن دیتر یێن نۆرمال، كو جوانی بۆ وێ یه یا پاره‌كێ پتر هه‌ی و نه‌ك جوانی بۆ یا جوانه، دڤێت ئه‌ڤێ شاشیێ خوه ژێ دووربكه‌ین، لێ دڤێت پیڤه‌رێ هه‌لسه‌نگاندنا كچێ ئاستێ ره‌وشت و ئه‌ده‌ب و جڤاك و ره‌وشه‌نبیریا وێ بیت، كو بگونجیت ل گه‌ل په‌روه‌ردا كچا من و كو تایبه‌تمه‌ندی و كه‌ساتیا ب هێز د ده‌روونا وێ دا بچینین و هاریكاریا وێ بكه‌ین بۆ ئاڤاكرنا ژیانا وێ كو چه‌كدار ببیت ب هه‌می جۆرێن بارودۆخان و گوهۆرینێن ده‌می یێن تووش دبیتێ د ژیانا خوه دا، چونكو كچ نه‌خۆشیا خوه دبینیت ب بێده‌نگی ژ ته‌حلاتیا ژیانێ و سه‌ختیا هنده‌ك كاودانان، هه‌ر ئه‌وه جڤاكی ئاڤا دكه‌ت و به‌خته‌وه‌ریێ چێدكه‌ت و ب تنێ دكاریت خێزانا نموونه‌یی ئاڤا بكه‌ت و هه‌ر ئه‌وه خودایێ مه‌زن قه‌ده‌رێ وێ مه‌زنكری و به‌حه‌شت دانایه ل بن پێن وێ، ئه‌وه كچا سه‌ركه‌فتی د دین و دونیا دا و رازیبوونا خودێ و دایبوبابان و خه‌لكی بده‌ستڤه ئینایی. دڤێت چو تشتێت ب ئاسته‌نگ نه‌هێلینه د رێیا وێ دا و هاری وێ بكه‌ین بۆ بۆراندنا قه‌یرانێن زارۆكینیێ و هه‌تا پراتیێ ژی.. هه‌كه ئاریشا مه‌زن ئه‌و بیت یا كچان كو ئه‌ڤرۆ ئه‌م جوانیا وێ بیت، دڤێت پشتگوه نه هاڤێین، چونكو ئه‌ڤ ئێكه بوویه فه‌راتیه‌ك.
و: ئه‌ڤرۆ
