سهرژمێریا گشتی ئهڤ ساله ژی ناهێته كرن
ههولێر، قائید میرۆ:
سهرۆكێ دهستهیا ئامارا ههرێما كوردستانێ ئاشكرا كر، سهرژمێریا گشتی ئهڤ ساله ژی ل ئیراقێ ناهێته كرن و دبێژیت: ئهگهر سیستهم ببیته ئهلكترۆنی ئهڤه چهندین سالێن دی ژی ناهێته كرن و پێدڤی یه بهرههڤی بهێنه كرن.
سیروان محهمهد، سهرۆكێ دهستهیا ئامارا ههرێما كوردستانێ بۆ رۆژناما ئهڤرۆ دیار كر، ژ ئهگهرێن جودا چهندین ساله ئهنجامدانا پرۆسا سهرژمێریا گشتی ل ئیراقێ دهێته پاشخستن و گۆت: “ئهڤ ساله ژی ههتا پرۆژهقانوونا بودجهی نههێته پهسهندكرن و پاره بۆ ئهنجامدانا سهرژمێریا گشتی نههێته دیاركرن، سهرژمێری ناهێته ئهنجامدان، ب دیتنا من ئهڤ ساله زهحمهته سهرژمێری بهێته كرن، چونكی ئاریشه نه ب تنێ بودجه یه، بهرههڤیێن ئهنجامدانا سهرژمێریا گشتی سالهك پێدڤیه، لهوڕا ئهڤ ساله سهرژمێری ناهێته ئهنجامدان، دوماهی كۆمبوون سالا بۆری هاتیه كرن ل دۆر سهرژمێریێ، د ڤێ حوكمهتا نوكه یا ئیراقێ دا چو كۆمبوون نههاتینه كرن”.
سیروان محهمهد گۆتژی: “نوكه حوكمهتا ئیراقێ بهحسێ سیستهمێ ئهلكترۆنی دكهت بۆ ئهنجامدانا سهرژمێریێ، بهلێ مخابن سیستهمێ ئهلكترۆنی زۆر دێ ب زهحمهت بیت، چونكی ئیراقێ چو بناغه نینه بۆ سیستهمێ ئهلكترۆنی ئهگهر بهێت و بڕیارا دووماهیێ بهێتهدان سهرژمێری ل پرۆسا دهستی بهێته گوهۆڕین بۆ ئهلتكرۆنی ئهڤه نهك سالهك پێنج سالێن دی ژی ناهێته كرن و دێ گهلهك گیرۆ بیت”.
