سهرۆكێً یانا دینارته: بزاڤ بۆ دانانا وهبهرهێنانێ هاتینه هاڤێتن
ئهڤرۆ، رهمهزان زهكهریا
د داخویانیهكێ دا سهرۆكێ یانا دینارته یا وهرزشی دیاركر بزاڤێن باش هاتینه هاڤێتن كو یانه ببیته خودان داهاتیهكێ ههمیشهیی ب ڕێكا وهبهرهێنانێ و رژدین باشترین شێوه تیما مه یا تهپا پێی ب كوڕێن باژێرێ خوه بهێنه دناڤ ههڤڕكیان دا.
زێدهتر رهشید جومعه بۆ رۆژناما ئهڤرۆ گۆت: لدووڤ بهرنامه و پلانا مه كو د كۆمبوونا بهێت یا كارگێریێ چهند تهوهرێن جودا بهێنه گهنگهشهكرن و ژ گرنگترین بابهتان بهحس لسهر ئهوان پێنگاڤێن دهاتینه هاڤێتن بۆ وهبهرهێنانێ و دووماهی پێشهاته و دیسان چاوانیا دهست بهرههڤیێن تیما مه یا تهپا پێی بۆ وهرزێ نوو یێ خولا پلا دویا كوردستانێ گهنگهشه ل سهر ئینانا راهێنهرهكێ كورد و یاریزانێن دهڤهرێ و دهستنیشانكرنا دهم و ژڤانێ راهێنانان.
ژلایهكێ دووڤه ناڤهاتی دیاركر ئهوان داخواز كریه یاریگهها یانێ بهێته سهخبیركرن كو د. سهباح مهحموود پهرلهمانتار ل پهرلهمانێ كوردستانێ بڕیار دایه ئهو هاریكاریا مه بكهت و گۆت: ب سۆپاسی ڤه ژی كهسایهتیێ دهڤهرێ دلێر فهرزنده گهلهك پشتهڤانیا مه كریه و دیسان پشتی لڤێ دووماهیێ ژی پارێزگارێ دهۆكێ مینحهكا ههیڤانه كو دو ملیۆن دینار بۆ یانا مه تهرخانكری لێ ئهڤ مینحه تێرا خهریجیاتێن مه ناكهت لهورا دانانا وهبهرهێنانێ دێ گهلهك ئاریشێن مه چارهسهركهت ژبهركو مه بتنێ تهپا پێی لێ مه لبهر یاریێن وهكو شهترهنجێ و تێنسا ئهردی و ڤۆلی بۆلێ بكهینه دناڤ چالاكیێن خوه دا.
