سه‌رۆكێ یانا ته‌ناهی: نه‌بوونا پشته‌ڤانیێ ژ پارێزگه‌هێ و حوكمه‌تی ئه‌م بیێ زاركرینه
ئه‌ڤرۆ،
د داخویانیه‌كا تایبه‌ت دا سه‌رۆكێ یانا ته‌ناهی یا وه‌رزشی بۆ رۆژناما ئه‌ڤرۆ دیاركر كو نه‌بوونا پشته‌ڤانیا دارایی ژ لایێ پارێزگه‌ها دهۆكێ و حوكمه‌تا هه‌رێما كوردستانێ كارتیكرن ل سه‌ر چالاكیێن مه كرینه و ئه‌م بیێ زاركرینه و د ئه‌ڤ ساله دا نه‌چاربووین خوه ژ فۆتسالا هه‌رێمێ ژی ڤه‌كێشین.
زێده‌تر جاسم شه‌عبان بۆ رۆژناما ئه‌ڤرۆ گوت: یانا ته‌ناهی ده‌زگه‌هێ نوو یێ وه‌رزشی یه هاتیه دامه‌زراندن پێخه‌مه‌ت خزمه‌تكرنا وه‌رزشا پارێزگه‌هێ و گه‌نجێن ده‌ڤه‌رێ و مه هه‌موو بزاڤ كرینه كو بشێن پێگه‌هه‌كێ دروست یێ وه‌رزشێ بۆ لاوێن ده‌ڤه‌رێ ب دانینن بۆ هه‌ر یاریه‌كا پێدڤی بیت، د ماوێ سالێن بوری دا چه‌ندین جاران داخاز ژ لایه‌نێن په‌یوه‌ندیدار كریه رێكێن پشته‌ڤانیێ بۆ مه په‌یدابكه‌ن لێ مخابن نه‌بوونا پشته‌ڤانیا دارایی ژلایێ پارێزگه‌ها دهۆكێ و حوكمه‌تا هه‌رێمێ كارتیكرن ل چالاكیێن مه یێن جودا كریه و نه چاربووینه ڤێ داویێ خوه ژ خولا فۆتسالا پلا نایابا كوردستانێ ل سه‌ر ئاستێ كچان ڤه‌كێشین ژبه‌ركو د شیان دانینه ئه‌و مه‌زاختیێ پێدڤی بۆ تیمێ به‌رهه‌ڤ بكه‌ین و ب تنێ هزر د تیما خوه یا ته‌پا پێی ل سه‌ر ئاستێ پلا ئێكا كوردستانێ بۆ كوڕان دا بكه‌ین، له‌ورا هیڤییا مه ئه‌وه د. عه‌لی ته‌ته‌ر پارێزگارێ دهۆكێ و حوكمه‌تا هه‌رێما كوردستانێ بهێنه سه‌ر هێل ژبۆ چاره‌سه‌ریا ئاریشێن مه و ئه‌ز باوه‌رێ دا مه ئه‌و كێمترین مه‌زاختیێ بۆ یانا بهێته دابینكرن دێ بۆ یانا ته‌ناهی بیت.
ژلایه‌كێ دووڤه ناڤهاتی ئه‌وچه‌نده ژی دیاركر كو بارێ دارایی یێ یانێ گرانه و قه‌رزدارن و چو داهاتیێ دروست نینه و چو به‌رهه‌مئینان ژی ده‌ستێ وان دا نینه كو بشێن كارێ خوه بڕێڤه‌ببه‌ن و گوت: هه‌رچه‌نده ب سۆپاسی ڤه به‌ری نوكه په‌رله‌مانتارا پارتی دیموكراتی كوردستان ئامینا زكری پشته‌ڤانیا به‌رده‌وام بوو مه دكر لێ ئه‌ڤه‌ژی نه چاره‌سه‌ریه هه‌كه‌ر داهاتیه‌كێ به‌رده‌وام بۆ یانێ نه هێته دابینكرن، ب هیڤی نه خه‌ون و پاشه‌رۆژا وه‌رزشا ته‌ناهیێ نه هێته بنبڕكرن و پشته‌ڤانی بوو بهێته كرن.
