سهرۆكێ یانا دهۆك: ئهم نه راوهستیاینه و چاڤهڕێ دووماهی بڕیارین
ئهڤرۆ،
د داخویانیهكێ دا سهرۆكێ یانا دهۆك یا وهرزشی بۆ رۆژناما ئهڤرۆ دیاركر ژبۆ خوه بهرههڤكرن بۆ وهرزێ نوو یێ خولا ئیراقێ نه راوهستیاینه و چاڤهڕێ دووماهی بڕیارا ئێكهتیا تهپا پێی یا ئیراقێ نه ژبۆ ئێكلاكرنا بابهتێ پشكداریا تیما مه د خولا نایاب دا و دهست ب پلانا خوه.
زێدهتر دكتور عهبدوللا جهلال گۆت: پشتی گوهۆڕینێن ڤێ دووماهیێ ل سهرشێوازێ پشكدار و چهوانیا بڕێڤهبرنا وهرزێ نوو یێ خولا پلا نایاب و سیستهمێ خولا پیشهكاران و رێپێدانێ ئهم ماینه چاڤهڕێ دووماهی بڕیارا ئێكهتیا تهپا پێی یا ئیراقێ ژبۆ ئێكلاكرنا تیما مه د خولێ دا و دڤێ جهفتیێ دێ هێته دیاركرن، ژبهركو خالێن رێپێدانێ ل دهڤ یانا دهۆك ههنه و دوورنینه ئهم پشكداریێ د خولا پیشهكاران دا بكهین لهورا دووڤچوونا ههر پێشهاتهكێ دكهین ژبۆ باشترین بهرههڤی بۆ وهرزێ نوو، یانا دهۆك دێ ب رژدی و ئێك ئارمانج هێته دناڤ چالاكیێن خولا ئیراقێ دا ئهوژی بهێز و ڤهگهڕاندنا ناڤ و سهنگا یانێ.
ژلایهكێ دووڤه ناڤهاتی ئهوچهنده ژی دیاركر بۆ خولا پلا نایابا كوردستانێ دێ گرنگیێ پێ دهن كو ببیته وێستهگهه بۆ بهرههڤكرنا یاریزانێن گهنج لێ یا خولا ئیراقێ دڤێت ب ههموو شیانێن خوه كار بكهین ژبهركو گرنگیهكا مهزن پێ دهێته دان چو ژ لایێ جهماوهری یان سهر ئاستێ ئیراقێ و دهرڤه.
دكتور عهبدولا جهلال دیاركر ههتا نوكه چو گرێبهست ل گهل چو راهێنهران نه ئیمزاكرینه بتنێ دانۆستاندن یێن دهێنه كرن و گۆت: ههر پێنگاڤهكا د هاڤێژیت دڤێت دووڤچوونا سیڤی و ئاست و شارزاهیا راهێنهری بهێته كرن ژبۆ دهستنیشانكرنا كادرهكێ خودان شیان و بزانیت دێ چهوا تیما مه دروستكهت و بهر ب سهركهفتنان ببهت و ههردهمێ ئێكهتیا ئیراقێ بڕیارێن خوه دان دێ پلانێن مه ژی هێنه راگههاندن ژوانا كادرێ راهێنانێ.
بۆ زانین بهری ماوهكی كارگێریا یانێ ل گهل راهێنهر عهلبدولوههاب ئهبولهێل گههشتبوونه رێكهفتنێ بۆ وهرزهكی ل گهل تیما تهپا پێی د خولا ئیراقێ دا لێ ژ نشكهكێ ڤه گرێبهستا یانا نهفت ئهلبهسرا ئیمزاكر
