سه‌رۆكێ یانا هه‌ولێرێ:یانێن وه‌رزشی پێدڤی ب قانوونه‌كا نوویه بۆ سه‌ربه‌خوه‌یا دارایی
ئه‌ڤرۆ،هه‌ولێر، سولین سلێمان.
د داخویانیه‌كێ دا وه‌لید عاره‌ب سه‌رۆكێ یانا هه‌ولێری دیاركر سه‌ربه‌خوه‌یا دارایی بۆ یانێن وه‌رزشی واته‌یه هنده‌ك ده‌ستهه‌لاتێن داراینه و دامه‌زراوه‌یه‌كێ دده‌ته ده‌زگه‌هه‌كێ وه‌رزشی د چارچووڤێ قانوونێ دا
زێده‌تر ناڤهاتی بۆ رۆژناما ئه‌ڤرۆ گۆت: هه‌رده‌مێ ئه‌ڤ پێنگاڤه هاته بجهئینان یانه پێدڤی ب هیچ لایه‌نێ سپۆنسه‌ران نه‌بیت یان ژی پشت ب لژنا ئۆلمپی گرێده‌ت، هه‌كه ئه‌م هه‌ڤسه‌نگیه‌كێ بكه‌ین دناڤبه‌را یانێن جیهانێ و یێن كوردستانێ كو جوداهیه‌كا مه‌زن یا هه‌یی ژبه‌ركو ئه‌وان دارایه‌كێ سه‌ربه‌خوه یا هه‌یی و دیسان یاریزانێن وان ژبه‌ر ریكلامكرنێ داهاته‌كێ گه‌له‌ك مه‌زن وه‌ردگرن.
هه‌روه‌سان سه‌رۆكێ یانا هه‌ولێرێ گۆت: هنده‌ك ئه‌گه‌رێن سه‌ره‌كی هه‌نه كو هه‌تا نوكه یانێن مه نه شیاینه پێنگاڤێن پێشكه‌فتی بۆ سه‌ربه‌خوه‌یا دارایی پاڤێژن و هه‌كه قانوونه‌كا تایبه‌ت هه‌با ئه‌ڤچه‌نده روونه‌دا، نموونه ئه‌و یانێن جیهانێ ب ڕێكا فرۆتنا پلێتێن دناڤ یاریگه‌هێ دا و ب سپۆنسه‌ریا كۆمپانیێن مه‌زن داهاته‌كێ باش هه‌یه به‌رۆڤاژی یانێن كوردستانێ هه‌تا نوكه نه‌شیاینه چو سپۆنسه‌ران بخوه په‌یدابكه‌ن ئه‌وژی ژبه‌ر دو ئه‌گه‌ران ئێك كێمیا كۆمپانیێن مه‌زن ، یا دویێ پرانیا پشكداریا یانێن مه د چالاكیێن نافخوه دا دكه‌ن به‌رۆڤاژی یێن ده‌رڤه، له‌ورا نه‌بوونا قانوونه‌كێ بۆ كارێن وان و ئه‌وه هه‌موو داهاتیێ یانێ ب خوه ڤه دگریت له‌ورا هه‌رده‌مێ یانێن مه شیان وه‌كو كۆمپانیه‌كا وه‌رزشی كارێن خوه ئه‌نجامدان ل وی ده‌می دێ بنه خودان سه‌ربه‌خوه‌یه‌كا تایبه‌ت یا دارایی وه‌كو ئابۆریه‌كا نشتیمانی بهێته دیتن.
