سه‌رۆكێ هه‌رێما كوردستانێ به‌ر ب ده‌رڤه‌يى وه‌لاتى ب رێ كه‌فت
ئه‌ڤرۆ نيوز:
ئه‌ڤرۆ رۆژا شه‌مبى 13ى خزيرانا 2015ێ، مه‌سعود بارزانى سه‌رۆكێ هه‌رێما كوردستانێ د رێيا فرۆكخانا نێڤده‌وله‌تى يا هه‌ولێر و ل سه‌ر داخوازا فه‌رمى به‌ر ب وه‌لاتێن كوێت و ئيمارات ب رێ كه‌فت و بڕياره ل گه‌ل مه‌زنه به‌رپرسێن وى وه‌لاتى كۆم بيت.
ب گۆره‌يى نوچه‌كێ مالپه‌رێ فه‌رميێ سه‌رۆكاتيا هه‌رێمێ دێ ته‌وه‌رێ سه‌ره‌كيێ ديدار و چاڤپێكه‌فتنێن سه‌رۆكێ هه‌رێمێ ل گه‌ل به‌رپرسێن كوێت و ئيمارات كو دێ چه‌ند رۆژان ڤه‌كێشيت، به‌رسينگگرتنا شه‌رێ تيرۆرستنێ داعش و په‌يوه‌نديێن سياسى و ئابوورى يێن هه‌رێما كوردستانێ و ئه‌وان دو وه‌لاتان بن و دانوستاندن ل سه‌ر كێشه و پێدڤيێن ئاواره و په‌نابه‌ر و هاريكاريا وان.
ديسا ئاماژه ب وێ چه‌ندێ ژى هاتيه كرن كو د ڤێ سه‌ره‌دانێ دا، مه‌سرۆر بارزانى شيره‌تكارێ جڤاتا ئاسايشێ و فوئاد حسێن سه‌رۆكێ ديوانا سه‌رۆكاتيا هه‌رێم و عه‌لى سندى وه‌زيرێ پلاندانانێ و سه‌لاحه‌دين بابه‌كر وه‌زيرێ كاره‌بێ و ژماره‌كا شيره‌تكاران هه‌ڤالێن شاندێ بارزانى بن.