سه‌رۆكێ هه‌رێمێ: پێدڤیه حوكمه‌تا نوو یا ئیراقێ داخوازیێن وه‌لاتیان بجهبینیت
سه‌رۆكێ هه‌رێما كوردستانێ، نێچیرڤان بارزانی، پێشوازی ل شانده‌كێ ئه‌مریكی ب سه‌رۆكاتیا جۆوی هوود، جێگرێ هاریكارێ وه‌زیرێ ده‌رڤه‌یێ ئه‌مریكا كر، هه‌ردو ئالیان دووپاتی ل گرنگیا ته‌بایی و ئێكرێزیا ئالیێن كوردستانێ كر.
د دیدارێ دا دووماهی پێشهاتێن ره‌وشا سیاسی ل ئیراقێ، په‌یوه‌ندیێن ئیراقێ و هه‌رێما كوردستانێ ل گه‌ل ئه‌مریكا، په‌یوه‌ندیێن هه‌ولێرێ و به‌غدا و بزاڤێن چاره‌سه‌ركرنا كێشێن وان، مه‌ترسیا داعشێ، ره‌وشا ده‌ڤه‌را شنگالێ و بارێ ئابووری ل ئیراقێ و هه‌رێما كوردستانێ، هاتنه به‌حسكرن.
جۆووی هوود سوپاسیا نێچیرڤان بارزانی كر بۆ په‌یوه‌ندی و وێ هاریكاریا د ده‌مێ بۆری دا ل گه‌ل وی و ده‌زگه‌هێن هه‌رێما كوردستانێ هه‌بوو ودووپاتی ل په‌یوه‌ندیا ب هێز و دۆستایه‌تی و پشته‌ڤانیا ئه‌مریكا بۆ ئیراقێ و هه‌رێما كوردستانێ كر. هه‌وره‌سا پرسێن ئازادیا راده‌ربرینێ، مافێن مرۆڤی و سه‌روه‌ریا قانوونێ، پێشهاتێن ل ئوكرانیا و ره‌وشا ئه‌فغانستانێ و ده‌ڤه‌رێ ب گشتی هاتنه به‌حسكرن.
