سه‌رۆكێ ڤێ كۆمپانیێ 5 سالان دێ هێته زیندانكرن
ئەڤرۆ نیۆز،زنار تۆڤی:
دادگه‌هه‌كا كۆریا باشۆر بریارا زیندانكرنا سه‌رۆكێ كۆمپانیا سامسۆنگ ب 5 سالێن زیندانکرنێ دا.
“لی جه‌ی یانگ” سه‌رۆكێ كۆمپانیا سامسۆنگ ب سووچا گه‌نده‌لیێ ژ لایێ دادگه‌هه‌كا كۆریا باشۆر ڤه ب 5 سالێن حوكمێ زیندانكرنێ ل سه‌ر هاتیە سه‌پاندن.
سه‌رۆكێ كۆمپانیا سامسۆنگ ب هه‌مان كه‌یسا گه‌نده‌لیێ سووچباره یاكو سه‌رۆكا به‌رێ یا كۆریا باشۆر پێ هاتبوو سوچباركرن و ببوو سه‌ده‌مێ ژ كار لادانا وێ ژ پۆستێ سه‌رۆكا‌تیێ.
د هەمان دەمدا داخوازكارێ گشتی یێ كۆریا باشۆر، داخوازا 12 سالێن زیندانكرنێ بۆ سه‌رۆكێ کۆمپانیا سامسۆنگێ دەرکربوون،ژبه‌ركو سەرۆکێ وێ کۆمپانیێ یێ سووچباره ب هندێ کو 36 ملیۆن دۆلار دابوونه خزمه‌تكاره‌كێ سه‌رۆكا به‌رێ یا كۆریا باشۆر،داكو د به‌رژوه‌ندا كۆمپانیێ دا چه‌ند رێكاران بگریته‌به‌ر،لەورا وان ژی ئەڤ بریارە ل دژی وی دەرکریە.
