سه‌رۆك بارزانى ل گه‌ل ئه‌نجومه‌نێ سەرکردايه‌تیا ئێکەتیا لاوان كۆم بوو
ئه‌ڤرۆ نيوز:
سەرۆک بارزانی ئەڤرۆ ل گەل ئه‌نجومه‌نێ سەرکرداتیا ئێکەتیا لاوێن دیموکرات یا کوردستانێ کۆم بوو، تێدا شاندا لاوان به‌حسێ چالاکیێن خوە و چارەکرنا کێشێن لاوان و بەستنا ھەشتەمین کۆنگرەیا ئێکەتیا خوە کر.
ژ ئالیێ خوە ڤە سەرۆک بارزانی باسێ رۆلێ لاوان د دروستکرنا ھۆشیاریا نەتەوەیی و نشتیمانی دا کر و دوپاتی ژی ل رۆلێ ژنان د ژیانا سیاسی، کەلتووری و جڤاکی دا کر و خواست: رۆلێ کچ و ژنان بەرفرەھتر ببیت و پتر دەلیڤە پێ بھێت دان.
د درێژییا ئاخفتنێن خوە دا سەرۆک بارزانی به‌حسێ قۆناغا بەری رێفراندۆمێ و بوویەرێن پشتی رێفراندۆمێ و سەرکەفتنا پارتی د هه‌لبژارتنێن په‌رله‌مانێ عيراقێ دا، بەرچاڤ کرن و دوپات کر، کو سەپاندنا کەتواری یا سەربازی و زۆرداری ل کەرکووکێ و دەڤەرێن دی یێن کوردستانێ ناھێته قەبوولکرن و پێدڤی یە ب دوماهی بھێت.
