سه‌رۆك بارزانی دێ گه‌ل نوونه‌رێن كورد ل به‌غدا كۆمبیت
ئه‌ڤرۆ نیۆز، قائید میرۆ
نوونه‌ره‌كا كورد ل به‌غدا ئه‌شكراكر، بڕیاره سه‌رۆك بارزانى ل رۆژێن بهێت دگه‌ل نوونه‌رێن كورد ل به‌غدا كۆمببیت.
ئه‌شواق جاف، په‌رله‌مانتارا كورد ل به‌غدا تایبه‌ت ب ئه‌ڤرۆ نیۆز راگه‌هاند” بڕیاربوو ل دوو رۆژێن بۆری مه‌سعود بارزانی سه‌رۆكێ هه‌رێما كوردستانێ دگه‌ل نوونه‌رێن كورد ل به‌غدا كۆمبوونه‌كێ ئه‌نجام بده‌ت، به‌لێ ژبه‌ر ئێرشا لسه‌ر كه‌ركووكێ كۆمبوون نه‌هاته گرێدان و سه‌رۆك بارزانی راسته‌وخۆ سه‌رپه‌رشتیا شه‌ڕێ كه‌ركووكێ دكه‌ت.
ئه‌شواقێ گۆتژی” پێشبینی دهێته‌كرن كۆمبوونا سه‌رۆك بارزانی دگه‌ل نوونه‌رێن كورد ل به‌غدا ل رۆژێن داهاتی بهێته گرێدان و تێد ب هویری به‌حسێ ره‌وشا هه‌رێما كوردستانێ دگه‌ل به‌غدا بهێته‌كرن.
