سه‌رۆك ب تنێ نه‌شیت ڤێ ئه‌زمۆنی بپارێزیت!!
هه‌ر ئه‌زمۆنه‌كا سیاسی ئه‌نجامێ كار و خه‌بات و شه‌ڕ و شه‌هید و ژده‌ستدانه‌كا روحی و مادیه، هه‌ر ئه‌زمۆنه‌ك شه‌كستن و قۆربانیێن خوه هه‌نه و نائۆمێدیی گه‌له‌ك جاران دروست بوویه، هه‌ولدان بۆ دروستكرنا ئارمانجه‌كا نه‌ته‌وه‌ی مه‌رم ژێ ئه‌وه پاراستنا وان ده‌ستكه‌فتانه. كێشا سه‌ركی یا ئه‌ڤرۆ ل كوردستانێ ئه‌وه چاوا ئه‌ڤ ئه‌زمۆنه ببیته پاراستن؟!، نه‌ك كی بپارێزیت وه‌كی ببیته سه‌رۆكێ هه‌رێمێ، چاوانێ ئه‌و قوربانیێن داین بێنه راگرتن و چو دی شه‌هید نه‌ئینه دان. ئه‌ڤ ئه‌زمۆنا كوردی پكشه‌ك ژ دیرۆكا گه‌له‌گی هزار سالی خه‌باتێ دكه‌ت و خوه دپارێزیت، باوه‌ریا مله‌تێ دڤیت لسه‌ر هندی بیت چه‌وانێ ڤان ده‌ستكه‌ڤێن ڤێ ئه‌زمۆنا كوردی یاكو ئه‌ڤه نێزیكی سه‌دهان ساله ژ ده‌ستپێكین ئێكه‌مین رێكخراوێ، سیاسی هاتینه دامه‌زراندن ب پارێزیت نه ده‌ستكه‌فتیێن حزبه‌كێ بپارێزیت. چونكو هه‌موو جاران مه‌رج نینه حزب یان ده‌ستهه‌لاته‌كا سیاسی كار بۆ پاراستنا ژیوارێ كومه‌لگه‌هی بكه‌ت به‌لكو گه‌له‌ك جاران به‌رژه‌وه‌ندیا حزبی هندی دخوازكریت خه‌لك دوور بیت ژ به‌رژوه‌ندیێن حزبی و خه‌لكی ب تشتی دی یێ لابه‌لا ڤه مژوول بكه‌ت. پاراستنا ئه‌زمۆ نا كوردی یانه ئه‌ركه‌كێ قورسه و هه‌ر ب تنێ د شیوێ سه‌رۆكاتیا هه‌ریمێ دا ب تنێ نینه ئه‌م بێژین ب تنی سه‌رۆكه یان په‌رله‌مانه ڤێ ئه‌زمۆنێ بپارێزیت نه‌خیر پاراستنا ڤان ده‌سته‌كه‌فتان و ڤێ ئازادیێ. ڤی په‌رله‌مانی و قانوونێ و ته‌نها یێ كوردستانێ ب گشتێ نه‌ك د پیرۆزكرنا كه‌سانه‌كی دا یه یان حزبه‌كێ یه بۆ به‌رژوه‌ندیه‌كا كوردستانێ به‌لكو ئه‌ركێ هه‌ر تاكه‌كیه ڤێ ئه‌زمۆنێ بپارێزیت لێ زۆرا خه‌له‌ته هه‌موو خه‌لك هزر بكه‌ن د چار چووڤه‌كێ گرتێ دا ئه‌ڤ ئه‌زمۆنه بێته راگرتن پاراستنا كوردستانێ د شێوێ سه‌رۆك هه‌لبژارتنێ دا ب تنی نینه، به‌لكو پاراستنا نه‌ته‌وه‌كی یان ملله‌ته‌كی یه و راوستانه دژی خه‌باتا هنده‌ك كه‌سان بۆ تێكدانا ڤێ ره‌وشێ. پاراستنا هه‌رێمێ چ ب رێیا سه‌رۆكێ بیت یان حزبه‌كێ بیت دڤیا ل سه‌ر چار شه‌نگستێن سه‌ره‌كێ بیت. ره‌خنه‌لێگرتن، لێفیربوون و باوه‌رپێكرن و دلسۆزی) بۆ نموونه حیكمه‌ت د هندی دایه ره‌خنه‌گرتن ببیته قبوولكرن ژ خه‌لكی هه‌تاكو جڤاكێ ته‌ندروست مه هه‌بیت نه‌ك ده‌زگه‌هێن حزبی و موئه‌سه‌ساتی فه‌رمی ببنه ئه‌گه‌رێ سه‌ركوتكرنا هزرا خه‌لكی. به‌لكو روه‌حه‌كا نوو بده‌نه وه‌لاتیان بشێت توانیی و شیانێن خوه بسلمینن، واته سه‌رده‌ریكرن ل گه‌ل ئه‌زمۆنا كوردیی ب شێوه‌ك زێندی وه‌ك تشته‌كێ روحی گرنگ بۆ خه‌لكی نه‌ك بكه‌ڤیته چارچووڤێ سزادانێ ده‌ما دگه‌هیته راده‌یێ ره‌خنێ ئه‌ڤه‌یه ره‌خنه‌گرتنه‌ك ب شێوێ ئه‌زمۆنێ بپارێزی و لیفیبروون ژی مه‌ره‌م ئه‌وه ئه‌م ژئه‌زمونێن پێشتر فێر ببینن مه كه‌سانه‌ك هه‌بووینه د دیرۆكا كوردی دا خیانه‌تا سیاسی كیه و دست دایه دوژمنان پێخه‌مه‌ت پاراستنا به‌رژه‌وه‌ندیا خوه یا سه‌ره‌كی و ل ڤیره هزركرنا مه د وان خیانه‌تا دا مانا وێ ئه‌وه دڤێت ئه‌م هه‌موو گاڤان ل سه‌ر وێ ترسێ بین ئه‌ڤ دۆخه یا ل به‌ر مه‌ترسیی و تێكشكاندنا وی ره‌نگه ل ناڤ وی دا سه‌ری هه‌لدات و ب تنی دشێن بێژین گه‌ندلیی نموونه‌ك خیانه‌تا سیاسیه و گه‌ندلیێ ده‌ستگرتنه‌ك ل گه‌ل دوژمنی چونكو تو دبیه پشكه‌ك و داینه‌مۆیه‌ك بۆ تیكدانا ڤی ره‌وشی، بوویه پاراستنا ره‌وشا هه‌رێمێ زۆر ئه‌ركه‌كێ گرانه و كه‌ته سه‌ر ملێن مه هه‌میان ژ مه‌لا و مامۆستا و ژنا به‌ر مالێ وفه‌رمانبه‌ری و پێشمه‌رگه‌ی و هتد و شنگستێن دی ژی ب شێوێ سه‌رده‌ریێ د گه‌لدا بكه‌ی وه‌ك دۆزه‌كا ئینسانی و نه‌ته‌وایه‌تی.
