سه‌رۆك كۆمارێ توركیا خویكێ ل سه‌ر كۆمپانیان هه‌لدگریت
ئه‌ڤرۆ نیوز:
د چارچوڤه‌یێ به‌رهنگاربوونا ڤایرۆسێ كورونا ئه‌ڤرۆ ره‌جه‌ب ته‌یب ئه‌ردوغان سه‌رۆك كۆمارێ توركیا چه‌ندین بریار بۆ به‌رژه‌وه‌ندا ئابوورا وه‌لاتی و كه‌رتێ تایبه‌ت ده‌رخستن.
سه‌رۆك كۆمارێ توركیا بریار دا بۆ ده‌مێ 3 هه‌یڤان كۆ هه‌یڤێن چار و پێنج و شه‌ش خویك ل سه‌ر كۆمپانیان هێته هه‌لگرتن و خویك ل سه‌ر ئینانا تشتێن ده‌رڤه 18% داكه‌فیت بۆ 1% و توخیبێ ده‌سه‌لاتێن به‌نكان زێده‌كر، ب تایبه‌ت كارتا به‌نكی ژ 25 ملیار بۆ 50 ملیار كۆ بكارهێنه‌ر دشێن بكار بینن، به‌خشینا ده‌مێ پرۆژه‌یین به‌لێنده‌ران بۆ ده‌مێ 3 هه‌یڤان دێ هه‌ڤكاریكرنا ئه‌وان كۆمپانیێن كۆ كارێ لوجیستیكی كه‌ن.
سه‌رۆك كۆمارێ توركیا بریار ژی دا، كۆ كێمترین مووچه‌یێ خانه‌نشینیێ 1500 لیره بیت و ب رێكا وه‌زیرێ كارۆبارێن جڤاكی دو ملیار لیره هاتینه ته‌رخانكرن بۆ هه‌ڤكاریكرنا خیزانێن كێم ده‌رامه‌ت و پێدانا موچه‌ی ب كه‌سێن بێ شول.
سه‌رۆك كۆمارێ توركیا ئه‌و چه‌نده ژی دیاركر درێژه‌یێ ب ته‌ڤایا كارێن خۆ دده‌ین ب مه‌به‌ستا پێشڤه‌برنا ڤاسكین و ده‌رمانێن دژی نه‌خوشیا ڤایرۆسێ كورونایێ، باشترین رێكا خۆ پاراستنێ ژ ڤایرۆسێ كورونا ئه‌و ریكارن یێن كۆ هه‌ر كه‌سه‌ك بكار دئینیت، چ كه‌سه‌كی مافێ ئه‌وێ چه‌ندێ نینه ساخله‌میا ته‌ڤایا جڤاكێ بێخته د مه‌ترسیێ دا.
