سه‌رۆك وه‌زیرێن بریتانیا: پێشمه‌رگه هێزێن مه یێن ئه‌ردی نه ل عیراقێ
ئه‌ڤرۆنیۆز، ئه‌یاد به‌رواری
سه‌رۆك وه‌زیرێن یریتانیا دیڤید كامیرون راگه‌هاند، رێكخستیا داعش یا تیرۆرستی گه‌فه ل سه‌ر جیهانێ و دوپاتكر ژی كو پێشمه‌رگه هێزێن مه یێن ئه‌ردی نه ل عیراقێ.
دیڤید كامیرون د گۆتاره‌گێ دا ل به‌رده‌م په‌رله‌مانێ بریتانی گوت” پێشمه‌رگه هێزێن مه یێن ئه‌ردی نه ل عیراقێ و پێدڤیه پشته‌ڤانیا وان بهێته كرن د شه‌ڕێ دژی داعشێ دا”.
گوت ژی” داعش یا بوویه گه‌ف و مه‌ترسی ل سه‌ر هه‌موو جیهانێ و پێدڤیه ئه‌م هه‌موو روو ب رووبوونا داعشێ بكه‌ین” گوت ژی” ژبۆ پاراستنا ئاسایشا بریتانیا ، دڤێت ئه‌م هێرشان بكه‌ینه سه‌ر داعشێ ل سووریێ”.
ژلایێ خوه‌ڤه جێگرێ سه‌رۆك وه‌زیرێن عیراقێ یێ به‌رێ و ئێك ژ سه‌ركردێن ره‌وتێ سه‌دری د به‌یاننامه‌كا دا ره‌خنه ل داخویانیێن سه‌رۆك وه‌زیرێن بریتانیا گرت و گوت” ئه‌و داخویانی نه پشته‌ڤانی بوو بۆ كوردان، به‌لكو پشته‌ڤانیا پرۆژێ پارچه‌كرنا عیراقێ بوو”.