سه‌رێ ڤێ سۆبێ
ئیسماعیل سلێمان هاجانی
سه‌رێ ڤێ سوبێ
ئه‌زێ به‌ڕكا داپیرا خوه ڕائێخم
دو جاران بۆ خودا كڕنۆشێ بم
ده‌ستێن خوه سه‌ر ئه‌ڤرازكم
د ناڤ پێلێن بای دا فڕم
چم و دوور چم
ل سنورێن وه‌لاتان گه‌رم
هندی له‌وه‌ندی و خفتانێن،
كچ و بووكێن كوردان،
ماینه ب سیمێن سنووران ڤه
هه‌موویان ژێڤه‌كم.
* * *
سه‌رێ ڤێ سوبێ
ئه‌زێ هه‌ڤسارێ كه‌عێلا باپیرێ خوه ژ ئاخوورێ كێشم
مه‌عركه‌كێ ل سه‌رپشتێ گرێدم
و خۆرجه‌زینكه‌كا تژی فیشه‌ك
ل پشت خوه‌دانم
پێ ل ڕكێبا كم
به‌ر ب قه‌ره‌چۆخ چم،
فیشكان بۆ بارزان بم.
* * *
سه‌رێ ڤێ سوبێ
ئه‌زێ ده‌رگۆشا دایكا خوه
و سوندوریكا بابێ خوه په‌لێخم
كمه به‌له‌مه‌ك، و كه‌فیكا دایكا خوه كمه په‌رده‌ك،
خوه به‌ردمه د ناڤ پێلێن ده‌ریان دا
به‌راڤ.. به‌راڤ گه‌رم
ماسولك و په‌ڕاسوویێن، ژن و زاڕۆكێن خوه ڤێدم
