سه‌عد حه‌ريرى ڤه‌گه‌ريا لوبنان
ئه‌ڤرۆ نيوز:
سه‌عد حه‌ريرى سه‌رۆك وه‌زيرێن ده‌ست ژ كاركێشايى يێ لوبنان، رێ چو پێشوازيێن فه‌رمى، گه‌هشته لوبنان و بێ چو پێشوازيێن فه‌رمى ئێكسه‌ر چو سه‌ر گۆڕێ بابێ خوه كو به‌رى نوكه سه‌رۆك وه‌زيرێن لوبنان بوو.
ئه‌ڤرۆ ب رۆژا سه‌ربه‌خۆيا وه‌لاتێ لوبنانێ دهێته نياسين و سه‌عد حه‌ريرى سه‌رۆك وه‌زيرێ ده‌ست ژ كار كێشايى پشكداريى د ساخكرنا بيره‌وه‌ريا وێ رۆژێ دا كر.
حه‌ريرى سێ حه‌فتيان به‌رى نوكه و ژ نشه‌كه‌كێ ڤه ل سعوديێ ده‌ست ژ كاركێشانا خوه راگه‌هاند بوو، بێ كو ئه‌گه‌ران ديار بكه‌ت و ل ديدارا خوه يا ل گه‌ل سه‌رۆك وه‌زيرێن فره‌نسا راگه‌هاند كو ئه‌و دێ ل لوبنان ئه‌گه‌رێن ده‌ست ژ كاركێشانا خوه راگه‌هينيت.
3ى ڤێ هه‌يڤێ سه‌عد حه‌ريرى ب سه‌ره‌دانه‌كێ گه‌هشته سعودى و پشتى رۆژه‌كێ هه‌ر ل وى وه‌لاتى و ژ نشكه‌كێ ڤه ده‌ست ژ كاركێشانا خوه ژ پۆستێ سه‌رۆك وه‌زيرێن لوبنان راگه‌هاند ئه‌ڤه ژى بۆ ئه‌گه‌رێ قه‌يرانه‌كا سياسى ل لوبنان سه‌رهلبده‌ت و مه‌ترسى ل سه‌ر سه‌قامگێريا وى وه‌لاتى په‌يدا ببيت.
ژ لايێ خوه ڤه ميشێل عۆن يێ سه‌رۆكێ لوبنانێ راگه‌هاند “هه‌تا حه‌ريرى نه‌هێته ناڤا وه‌لاتى، نه‌يێ ئاماده‌مه ده‌ست ژ كاركێشانا وى په‌سه‌ند بكه‌م”، د هه‌مان ده‌م دا عۆن سعوديێ ب وێ چه‌ندێ تۆمه‌تبار كر كو حه‌ريرى يێ ده‌سته‌سه‌ركريه.
حه‌فتيا بۆرى ژى ئيمانوێل ماكرۆن يێ سه‌رۆكێ فره‌نسا داخوازنامه‌ك پێشكێشى حه‌ريرى و خێزانا وى كر دا كو سه‌ره‌دانا وى وه‌لاتى بكه‌ن.
ژ لايێ خوه ژى ڤه عيقاب سه‌قر يێ په‌رله‌مانتارێ لوبنان ل سه‌ر ته‌ڤگه‌را موسته‌قبه‌ل ئه‌وا حه‌ريرى سه‌رپه‌رشتيا وێ دكه‌ت راگه‌هاند كو حه‌ريرى دێ پشتى سه‌ره‌دانا خوه بۆ فره‌نسا گه‌شته‌كا كورت بۆ وه‌لاتێن عه‌ره‌بى ئه‌نجام ده‌ت به‌رى ڤه‌گه‌ريته لوبنان.