سه‌عید خه‌لیل: دۆباره خوه به‌ربژاركرن پێخه‌مه‌ت خزمه‌تا وه‌رزشا پارێزگه‌هێ یه
ئه‌ڤرۆ،
د دیداره‌كێ دا سه‌عید خه‌لیل ئه‌ندامێ ئێكه‌تیا تێنسا ئه‌ردی یا ئیراقێ دیار كر دۆباره خوه به‌ربژاركرنا وی بۆ ئه‌ندامه‌تیا ئێكه‌تیا ئیراقێ پێخه‌مه‌ت به‌رده‌وام خزمه‌تا وه‌رزشا ڤێ یاریێ ل پارێزگه‌ها دهۆكێ و كوردستانێ یه.
زێده‌تر ناڤهاتی گۆت: هه‌رچه‌نده ل ده‌ستپێكێ من ئه‌و هزر نه‌بوو دۆباره خوه به‌ربژاربكه‌م بۆ ئه‌ندامه‌تیێ لێ ژبه‌ركو خزمه‌تكرنا ڤێ وه‌رزشی بۆ پارێزگه‌ها دهۆكێ و كوردستانێ وه‌كو ئه‌ركه دڤێت بجه بینن و ژبه‌ركو سه‌ربۆرا مه یا درێژ ل گه‌ل ئێكه‌تیا ئیراقێ له‌وما مه دوباره خوه هه‌لبژارت و ب رێژه‌كا هه‌ره مه‌زن شیام ببمه جهێ باوه‌ریا ده‌سته‌كا گشتی، هه‌رچه‌نده هه‌كه من ڤیابا بۆ سه‌رۆكێ ئێكه‌تیێ ژی دا كاركه‌م بۆ كه‌م لێ بۆ من خوه‌شتره وه‌كو ئه‌ندام پێخه‌مه‌ت ده‌لیڤه باشتر هه‌بیت بۆ خزمه‌تا وه‌رزشا پارێزگه‌هێ.
ژلایه‌كێ دووڤه ناڤهاتی گۆت: بۆ چار سالێن بهێت پێنه‌ڤێت دێ هه‌موو بزاڤا كه‌م ببمه رێكخوه‌شكه‌ره‌ك بۆ هه‌موو یانه‌یێن مه یێن پارێزگه‌هێ و یاریزانان بۆ پشكداریێ د هه‌ر قاره‌مانیه‌كا ئیراقێ یان ده‌رڤه و بزاڤێ كه‌م زێده‌تر خزمه‌تا راهێنه‌ر و دادڤانێن پارێزگه‌ها خوه بكه‌م ب هه‌ڤكاری ل گه‌ل نوونه‌راتیا دهۆك یا لژنا ئۆلمپی و ئێكه‌تیا تێنسا ئه‌ردی ل پارێزگه‌هێ، هه‌روه‌سان وه‌كو هه‌ر سال ژی كا چه‌وا شیاینه قاره‌مانیێن ئیراقێ ل دهۆكێ مێڤان بكه‌ین بۆ سالێن بهێت ژی دێ به‌رده‌وامین و مه كۆمه‌كا باش یا یاریزان و راهێنه‌رێن كوڕ و كچ هه‌نه كو جهێ سه‌رفه‌رازیێ نه و ئه‌گه‌رێن سه‌ره‌كی نه بۆ پێشخستنا ڤێ وه‌رزشێ ل پارێزگه‌هێ.
