سه‌مای ژیان پشكداری د چه‌ندین فیسته‌ڤالان دا كریه
ئه‌ڤرۆ، كاوین:
سه‌مای ژیان، كورته فلمه‌كه ژلایێ ده‌رهێنه‌ر(ڤیان مایی) ڤه هاتیه چێكرن، ستافێ فلمی ژ هه‌رچار پارچێن كوردستانێ یه، ل وه‌لاتێ ئه‌لمانیا هاتیه وێنه‌كرن، شرین قۆره‌یشی و په‌سار هه‌ركی ئه‌كته‌رێن سه‌ره‌كی یێن كورته فلمی نه.
ڤیانێ بۆ ئه‌ڤرۆ دیاركر كو ده‌مێ كورته فلمی بتنێ شه‌ش خوله‌كن و ئه‌وێ و برایێ وێ كار ل سه‌ر چیرۆكا فلمی كریه، و د ناڤه‌رۆكا وی دا ئه‌م نه‌چووینه دناڤ ژیانا كوردی یا دناڤ شكه‌فت و ئه‌ڤین و حه‌زان دا، به‌لكو ئه‌م چووینه دناڤ راستیان دا و د گه له‌ك كارێن من دا ژن بوویه قوربان لێ من زه‌لام ژی كریه قوربان و ئه‌ڤی فلمی پشكداری د گه‌له‌ك فلمه فیسته‌ڤالان دا كریه، ژوانا ل وه‌لاتێ سویدێ.
