سه‌نته‌رێ كۆماته فه‌رهه‌نگا پاراستنا بیره‌وه‌ریێن شۆرش و خه‌باتێ
زه‌نوون سلێڤانه‌ی / زاخۆ
بێگومان ب گۆره‌ی ڤان چه‌ند سالێن ده‌ربازبوویێ دا، بگره ژ پربوونا وێستگه‌هێن زانیاری و راگه‌هاندنێ و مێدیایێ هه‌ر ب گۆره‌ی خزمه‌ت و شیانێن هه‌یین، شیایه رۆلێ خوه یێ سه‌ره‌كی بگێریت ژ دویر و نێزیك هایدارێ ره‌وشا وه‌لاتی گله‌یێ و گیروگرفتێن وه‌لاتیان ب رێكا مایكێن زۆربه‌یا كه‌نالێن مێدیایێ كۆمكرنا زانیاریێن به‌لگه گه‌هاندنا په‌یامی، لێ ئه‌م دشێین بێژین هه‌تا راده‌كێ شیایه باندۆرا خوه‌یا ئه‌رینی لسه‌ر كۆمه‌لگه‌هێن جڤاكی ژبۆ هشیاركرنا نه‌ته‌وه و ملله‌تێن جودا سه‌باره‌ت هه‌رێما كوردستانێ ژی بوویه پێگه‌هێ پركرنا وێ ڤالاتیێ چ ژ ئالیێ به‌رنامه و پرۆگرامێن هه‌مه‌ره‌نگ و سازكرنا هه‌ڤدیتن و مێزگه‌ردێن رامیاری و جڤاكی و ئاینی دگه‌ل كه‌ساێه‌تیێن ره‌وشه‌نبیرو سه‌ركرده و تۆره‌ڤانێن ده‌ڤه‌ری زیندیكرنا هه‌لكه‌فت و بیره‌وه‌ریێن نیشتیمانی و نه‌ته‌وه‌ی و رامیاری و…هتد.
ئه‌ڤجا ده‌باره‌ى پربوونا ڤان ره‌نگه سایت و مالپه‌ر و په‌یچ و تۆرێن جڤاكى یێن هاتینه د گۆره‌پانێ دا رۆژانه دیمه‌ن و سروشتێ خوه‌یێ جوان وه‌شاندن په‌یام و داخۆیانیێن ئالیێن سیاسیێ و مرۆڤێن سه‌ركرده.
هه‌لبه‌ت ل ڤێری یا خۆیایه سه‌ده‌ما ڤێ ئێكێ هاتیه، ئێدی خه‌لك رۆژانه ل هیڤیا ده‌مژمێران خوه ل هیڤیێ بگرن بۆ نموونه د ماوه‌یێ ڤان دو سالێن ده‌ربازبوویێ وه‌ك من بیهیستیێ یه ژبۆ ته‌ماشه‌كرنا به‌رنامه و پرۆگرام و سازكرنا دیدار و هه‌ڤدیتنێن هه‌مه‌ره‌نگ ل گه‌ل كه‌سایه‌تیێن ره‌وشه‌نبیر و هژماره‌كا سه‌ركرده‌یێن له‌شكری و پێشمه‌رگێن دێرین، هه‌ر ئێك ل كه‌ل كه‌لا گه‌رما هه‌ستێن خوه دلێ خوه بۆ سه‌نته‌رێ كۆماته‌ى ڤه‌دكه‌ن ژبۆ زیندیكرنا بیره‌وه‌ریێن شۆرش و خه‌باتا پێشمه‌رگاتیێ، له‌ورا پێدڤیه ئه‌ڤ ره‌نگه سه‌نته‌ره بناڤێ سه‌نته‌رێ كۆماته‌ى ببیته وێستگه‌هه‌كا بالكێش و ب هێز ژنێزیك هایدارێ ره‌وشا مرۆڤێن شۆرشگێر و قه‌هره‌مان، هه‌بوونا ڤان ره‌نگه سایت و مالپه‌رێن كوردی ژ بۆ خزمه‌تكرنا هێڤێنێ ره‌نج و خه‌باتا دوهی و پێره.
