سهنحاریب دێ نوونهراتیا دهۆكێ دخولا كوردستانێ دا كهت
ئهڤرۆ، شاهۆ فهرید:
چاڤهرێ دهێته كرن ل ئهینیا بهێت وهرزێ نوو یێ خولا پلا نایابا ڤۆلی بۆلا كوردستانێ ل سهر ئاستێ كچان بهێته ئهنجامدان ئهوا دێ ههشت یانه پشكداریێ تێدا كهت و هاتینه بهلاڤكرن ل سهر دو كۆما و یانا سهنحاریب نوونهرا ئێكانه یا پارێزگههێ دێ پشكدار بیت د كۆما ئێكێ كو دێ ل ههولێرا پایتهخت هێته كرن سهنحاریب، ئهكاد، تهقتهق و ئافرهتێن ههولێر.
ل دۆر دووماهی بهرههڤیێن نوونهرا پارێزگههێ ههكار بهرقی راهێنهرێ سهنحاریب بۆ رۆژناما ئهڤرۆ گۆت: پشتی ڤهقهتیانهكا درێژ دووباره دێ ڤهگهرێنه قارهمانیا، ئهڤ قارهمانیه وهكو ئهزموونهكا باش بۆ تیمێ بهری بشكداریێ د خولا ئێراقێ دا بیت و یاریزانا بهرههڤیێن باشی كرینه و پرانیا وان خهلكێ دهوكێ نه، گوهۆڕینێن مهزن د ناڤا پێكهاتێ تیمێ هاتینه كرن، بۆ ماوێ زێدهتر ههیڤ و نیڤه خوه ئامادهكری، دو یاریزان ژ درڤه ئیناینه كو شیانێن باش ههنه ل سهر ئاستێ كوردستانێ، یاریزانێن نوو شارهزاهیا وانا كێمه لێ پشتراستین دێ ئاستهكێ باش ههبیت ژبهركو پێكڤه گرێدانهكا باش ههیه وهكو راهێنهر هاریكار بوویمه ههموو لایان ڤه.
ههروهسا ناڤهاتی گۆت ژی: كارگێریا یانێ و سهرۆك و هاریكارێن وی پشتهڤانن ب ههموو لایهناڤه، دێ پلان و نهخشێن باش دانینن، دهمی 2019 من ئهركێ یانێ وهرگرتی ئاستێ نوكه دا نهبوو، ههر بشكداریهكا یانا سهنحاریب ههڤڕكا ناسناڤی بوویه.
