سه‌گڤان زاخۆیی: قه‌له‌ویا من بۆ من یا خۆشه
دهۆك، هه‌رهین محه‌مه‌د:
ئه‌كته‌رێ كۆمێدی سه‌گڤان زاخۆیی، د دیداره‌كێ دا بۆ رۆژنا ئه‌ڤرۆ گۆت: نه‌یا ب ساناهی یه مرۆڤ بشێت كاره‌كی هونه‌ری بكه‌ت، چنكو پێدڤی ب پشته‌ڤانیێ هه‌یه، وه‌كو تیڤیه‌كێ هه‌تا ب شێت پرۆگرامه‌كی چێكه‌ت، به‌لێ هه‌كه پشته ڤانی نه‌بیت و مرۆڤ ژ ده‌ف خوه كاره‌كی بكه‌ت و چو پێڤه نه‌هێت دبیت گێولێ هه‌ڤالێن كۆمێ بشكێت و ئه‌م ژی نه كێمی پرۆگرامێ به‌زمی به‌زمین و ئه‌و ل ده‌ڤه‌را خوه دبه‌رنیاسن و ئه‌م ل ده‌ڤه‌را خوه و هه‌كه پشته‌ڤانی ل مه‌ژی بهێته‌كرن و نڤیسه‌ر و ده‌رهێنه‌رێن خودان شیان مه هه‌نه ل دهۆكێ و زاخۆ.
ل دۆر دووماهیی كارێ خوه یێ هونه‌ری گۆت: پشكداری فلمه‌كێ درێژ بوویمه ب ناڤێ (میسی به‌غداد) ژ ده‌رهێنانا سه‌هیم عومه‌ره، دوی فلمی دا من رۆلێ چایچیه‌كی گێرایه و نوكه دقوناغا مۆنتاژی دایه و زارڤه‌كرنێ خۆشیه‌كا تایبه‌ت یا دایه من و گه‌له‌ك دلخۆش دبم ده‌مێ زارڤه‌كرنێ دكه‌م و من دڤێت هه‌موو ده‌مان د زارڤه‌كرنێ دابم، چونكو ڤی كاری خۆشتڤیا خه‌لكی یا دایه من و ده‌مێ ب كارێ خوه ئاریشێن خه‌لكی دیاردكه‌م و خه‌لك یێ ژ من رازی بیت ئه‌و ده‌م بۆ من ژ هه‌موو ده‌مان خۆشتره و ئارام بم ، به‌لێ هه‌تا نوكه نوزانم كو قه‌له‌ویا من ئه‌گه‌ره هه‌موو رۆلا ده‌رهێنه‌ر نه‌ده‌ته من و هنده‌ك رۆل هه‌نه كه‌سێن قه‌له‌و دڤێن و قه‌له‌ویا من بۆ من یا خۆشه و یێ ئارامم و تشتێن كۆمێدی دقه‌له‌ویێ را دیاردكه‌ن.
