سوارێ چاك
بەهزاد بەهرام
ل پێشبەری ئۆمێدەك دوور
چ ئاستەنگ و ژێهەل و ژوور
بۆ ئارمانجا پێهەل و زۆر
سەمتا باشوور بۆ دەرازینك
خودانێ پێشمەرگێن ب خاك
وەفا و دلسۆزی مەردە چاك
هەر پیرۆزە وەلات و خاك
سەمتا باكور دەرگەه و رێك
سوارێ وی هەسپێ ب زین
هەلدگرتن تەڤ نەخشە و ژین
مەیدان هەر بهار و پر ژین
سەمتا رۆژهەلات پر چرا
ل ئێلۆنێ بوویە سەركێش
بۆ پێناس ئەم پێ هاتین پێش
دڤێت هشمەند بین ئەڤرۆ هێش
سەمتا رۆژئاڤا چار برا
جار بابەلیسك و باهۆزە
جارنا زڤرۆك و باهێزە
ژ بیابانێ تۆز و هێزە
ئێگرتنا سەمتا هێزە
مۆریدێن رێباز و دۆزێ
هەلدگرن پەیام و سۆزێ
راستەراستن لناڤ رێزێ
كۆمڤە دبن لسەر مێزێ
