سوباھی ئێڤاری بایەکێ ب ھێز دێ تۆزێ ئینیت
ئەڤرۆ نیوز، ئه‌ياد به‌روارى:
ل دووڤ پێشبینیێن رێڤەبەریا گشتی یا كەشناسیێ و پیڤەلەرزان ل ھەرێما کوردستانێ، ئێڤاریا سوباھی رۆژا چارشەمبی ٣-٦-٢٠١٥ دێ بایەکێ ب ھێز و تۆز ل ھەرێما کوردستانێ پەیدابن.
پشکا پێشبینیا ل رێڤەبەریا ناڤبری د بەلاڤکرنەکێ دا ئاماژێ ب وێ چەندێ ددەت کو ژبەر کاریگەریا فشارێن نزم و یێن بلند یێن بای، سوباھی چارشەمبی دێ ھەرێما کوردستانێ کەڤیتە بن کاریگەریا فشارێن نزم یێن نیمچە گزیرتا عەرەبی و ئەسمانێ باژێرێن ھەرێما کوردستانێ ب گشتی دێ ئەور بیت ل گەل زێدەبوونا لەزاتیا بای کو دێ گەھیتە سەر ٤٠ کیلۆمەتران د دەمژمێرەکێ دا کو ئەڤ چەندە ژی دێ بیتە ئەگەرێ زێدەبوونا توزێ و کێمبوونا رادا بینینێ ب تایبەتی ل دەمێ ئیڤاری.
