سوبه ئاوازێن مرۆڤایه‌تیێ دێ ل دهۆكێ هێنه لێدان
ئه‌ڤرۆ، رێوار مزیرى:
ل ژێر چاڤدێریا (فه‌رهاد ئه‌مین ئه‌تروشى) پارێزگارێ دهۆكێ، سه‌ندیكا هونه‌رمه‌ندێن كوردستانێ لقێ دهۆكێ ب هه‌ڤكارى ل گه‌ل رێڤه‌به‌ریا هونه‌رێ مۆزیكێ ل دهۆكێ دێ كونسێرته‌كا مۆزیكێ ب ناڤێ (ئاوازێن مرۆڤایه‌تیێ) سوبه‌هى رۆژا چارشه‌مبى 8/4/2015 ل ده‌مژمێر 5 ى ئێڤارى ل هولا كۆنگره‌یان ل زانكۆیا دهۆكێ گێریت.
سه‌مه‌دار مایى رێڤه‌به‌رێ رێڤه‌به‌ریا هونه‌رێ مۆزیكێ ل دهۆكێ بۆ ئه‌ڤرۆ دیار كر: كو ئه‌ڤ كۆنسێرتا مۆزیكێ دێ بۆ گیانێ پاكێ شه‌هیدێن كوردستانێ هێته گێران، و گۆت: ئه‌ڤ كۆنسێرته یا ژ لایێ دو مۆزیكژه‌نێن باژێرێ دهۆكێ ڤه هاتیه به‌رهه‌ڤكرن ب ناڤێن (ئه‌لند خه‌یرى و مێهڤان ئه‌مین) و دێ د ڤێ كۆنسێرتێ دا مۆزیكژه‌ن ژ هه‌موو باژێرێن هه‌رێمێ تێدا پشكداربن و هاتنا ژوور دێ بێ به‌رانبه‌ر بیت.
هه‌روه‌سا ناڤهاتى گۆت: مه‌ره‌ما مه ژ گێرانا ڤێ كۆنسێرتێ ئه‌وه كو ئه‌م بشێن هه‌ستا نه‌ته‌وه‌یى ل ده‌ف گه‌نجێن مه بلندتر لێ بكه‌ین ب تایبه‌تى د ڤان كاودانێن نوكه ئه‌م تێدا ده‌رباز دبن و دخوازم گه‌له‌ك خه‌لكه‌ك د هۆلێ ڤه ئاماده‌بیت ل ده‌مێ گێرانا كۆنسێرتێ، چونكو كۆنسێرت بۆ گیانێ پاكێ شه‌هیدایه.
