سوبەهی دێ جڤاتا پارێزگەها كەركوكێ ل هەولێرێ كۆم بیت

ئەڤرۆ نیوز ، زنار تۆڤی :

وەسا بریارە کو سوبەهی سێشەمبی 5 خزەیرانا 2018 جڤاتا پارێزگەها كەركوكێ ب سەرپەرشتیا بریاردەرێ وێ كۆم ببیت، ئەندامەکێ جڤاتێ ژی دبێژیت د وێ لەكۆمبوونێدا دێ یاداشتەکی ل دژی پارێزگارێ كەركوكێ ب وەكالەت دەركەین.

ئەلماس فازل بڕیاردەرێ جڤاتا پارێزگەها كەركوكێ گوتیه، مە بانگهێشت بۆ ئەندامێن جڤاتا پارێزگەهێ هنارتینە هەتا کو ل روونشتنا سوبەهی ئامادە دبن.

گوت ژی ، د وێ كۆمبوونێدا دێ كێشێن وەلاتیان ژ روویێ خزمەتگوزاری و خراپ بوونا رەوشا كارەبێ و دەستنیشانكرنا گۆژمێ 10 هزار دیناران وەكو پارێ ئەمپێرەکێ كارەبێ گوتۆبێژکەین و دێ ل گەل لیژنەیان ژی كۆم بین.

ئازاد جەباری سەرۆكێ لیژنا ئەمنی د جڤاتا پارێزگەها كەركوكێ دیارکریە د کۆمبوونا سوبەهی دا دێ بریار و پێنگاڤێن راكان سەعیدی پارێزگارێ كەركوكێ ب وەكالەت گوۆبێژ دەكەین ، کو وی جڤاتا پارێزگەهێ فەرامۆش كریە دێو یاداشتەکێ ئامادە كەین و دێ ئاراستەی هەموو لایەنێن پەیوەندیدار و رایا گشتی کەین.

گوت ژی ،ئەم پێشبینی دكەین کو كوتلەیا توركمانی و عەرەبی ل دژی فەرامۆشكرنا جڤاتێ ژ لایێ راكان سەعیدی ڤە پشکداریێ د وێ كۆمبوونێدا بكەن، چونكی د دوماهی پێنگاڤا خوە دا راکانی جڤاتا باژێری گاریکریە و وی ل بەره وێ جڤات بکەتە شوینگرا جڤاتا پارێزگەها کەرکووکێ.

کۆمێنتا تە