سوبەهی دێ 69 كومپانی ب رێژا 8% پارێ خوە وه‌رگرن
ئەڤرۆ نیۆز،زنار تۆڤی:
حوکمه‌تا هه‌رێما كوردستانێ یا به‌رده‌وامه ل سه‌ر به‌لاڤكرنا پارێ به‌لێنده‌رێن هه‌رێما کودستانێ یێن پرۆژێن سالێن 2014 و 2015 و 2016 یێن کو به‌ری قه‌یرانا دارایی هاتینە بجهئیناین،هەروەسا چه‌ندین قوناغ بەری نوکە ژی به‌لاڤكرینە.
دڤی واری دا “ئه‌ندازیار ئۆسمان یونس ئێتیتی” جێگرێ پارێزگه‌رێ دهوكێ بو كاروبارێن ته‌كنیكی دیاركریە،كو حوکمه‌تا هه‌رێما كوردستانێ گوژمێ 650 هزار دولاران بۆ 69 كومپانیێن پارێزگه‌ها دهوكێ یێن كارێ پروژێن پترۆ دۆلاری ل ده‌ڤه‌را شنگالێ بجهئیناین ته‌رخانكرینه و بریاره ل رۆژا 25/7/2017 ده‌ست ب به‌لاڤكرنا وان پاران بهێته كرن و هه‌ر به‌لێنده‌ره‌ك دێ ب رێژا 8% پارێ پرۆژه‌ی بو هێته مەزاختن.
هه‌روه‌سا گوت ژی،به‌لاڤكرنا پارێ به‌لێنده‌را ژلایێ حوکمه‌تا هه‌رێما كوردستانێ ڤه دێ یا به‌رده‌وام بیت و ئه‌ڤه جارا دویێ یه پارێ پترۆ دۆلاری یێ پروژێن شنگالێ ل سه‌ر به‌لێنده‌ران دهێته بەلاڤکرن.
