سوبەهی رۆژا ڤالانتاینێ یە و بازاڕێ گولان دێ یێ گەرم بیت
سولین سلێمان:
بەختیار عومەر، خودانێ فرۆشگەهەكا گول و دیاریانە، د دیدارەكێ دا بۆ رۆژنامەیا ئەڤرۆ دبێژیـــــــــــــــت: ئەڤە نێزیـــــــــــكی دەهـ سالانە ئەز ڤی كاری دكەم و من هژمارەكا زۆرا گول و دیاریان بۆ هەموو هەلكەفتنان هەنە و رۆژانە بكڕێن وان هەنە، ب تایبەت ژی سوبەهی 14/2 ژبەركو رۆژا ڤالانتاینێ یە و دڤێ رۆژێ دا بازاڕێ گول و دیاریان دێ یێ گەرم بیت، لەورا ل پێش دەم مە بەرهەڤیێن باش بۆ ڤێ رۆژێ كرینە.
ناڤهاتی گۆت: كەسێن سەرەدانا مە دكەن بۆ خۆشتڤیێن خوە گول و یاریان دكڕن، ئانكو زەلام دهێن بۆ هەڤژینێن خوە دكڕن، هەروەسا ژن ژی دهێن بۆ هەڤژینێ خوە دكرن، زێدەباری كچ و كوڕێن د دەزگریێ دا، هەروەسا كوڕ و كچ هەنە خۆشتڤیێن ئێكن ئەو ژی دهێن دڤێ رۆژێ گولێن سۆر بۆ هەڤدو دكڕن، كو ئەڤە هێمایێ عەشق و ڤیانێ یە، هەروەسا گەلەك جاران بۆ شەهیانان و رۆژبوونان ژی دهێن گول و دیاریان دكڕن، لێ وەكو مە گۆتی ل رۆژا ڤالانتاینێ بازاڕێ گول و دیاریان گەرمتر لێ دهێن و هژمارا بكڕان زێدەتر لێ دهێت.
