سوبەهی فەستیڤالا فلمێن كوردی ل (ئەمستردام) دێ هێتە گێڕان
زنار تۆڤی:
بڕیارە سوبەهی 9/5 گەڕا چارێ یا فەستیڤالا فلمێن كوردی ل باژێرێ (ئەمستردام) ل پایتەختێ وەلاتێ هولەندا بهێتە گێڕان و (32) فلم ژ هەرچار پارچەیێن كوردستانێ دێ تێدا هێنە نیشادان و كۆمپانیا (لامیدیا) هەڤپشكا سەرەكی یا وێ فەستیڤالێ یە و بۆ دەمێ سێ رۆژان دێ یا بەردەوام بیت.
فەستیڤال دێ ل ژێردروشمێ (ئازادی و باشۆرێ كوردستانێ بیت) زێدەباری نیشادانا وان (32) فلمان دێ هژمارەكا پانێل و بڕگەیێن دی ژلایێ هژمارەكا سینەماكاران ڤە هێنە پێشكێشكرن، هەروەسا دێ رۆناهیێ ئێخنە سەر سینەمایێ ل هەرێما كوردستانێ و گرێدانا (80) سالێن ئازادیێ ل هولەندا و خەبات و بەردەوامی دانا كوردان د بۆارێ سیاسی و كلتۆری ڤە، هەروەسا كۆمپانیا () ئەو دێ وەبەرهێنانێ ل بەهرەمەندیێن نوو یێن كورد د بۆارێ سینەمایێ دا كەت، هەروەسا دێ دەلیڤەیێ ئێخیتە هەمبەر سینەماكارێن كورد كو پلانا فلمێن تایبەت بۆ خوە ل ژێر رێنمایێن دەرهێنەرەكێ ب ئەزموون دابڕێژن و دێ خەلاتەكێ (مادی) پێشكێشی وان كەت، هەروەسا دێ چەند بڕگەیێن مۆزیكێ و سترانێ ژی هەبن.
