سوبەھی دێ کاروانێ خولا فوتسالا کچان دەسپێکەت
ئەڤرۆ نيوز:
بریارە سوبەھی ھەڤرکیێن خولا ھەرێما کوردستانێ یا فوتسالێ ل سەر ئاستێ کچان دەسپێبکەن ب پشکداریا ھەشت یانا کو ل سەر دو کومان ھاتیە بەلاڤکرن و د یاریا گەرا ئێکێ دا نوونەرا پارێزگەھێ تیما فوتسالا زێرەڤانی دێ ل ھۆلا گرتیا چالاکیێن وەرزشی ل دھۆکێ یاریا خوە ھەمبەر ئافرەتێن کەرکووک کەت.
ل دور ڤێ یاریێ سەرپەرشتا تیمێ دولفا عرفی بو روژناما ئەڤرۆ دیارکر وان بەرھەڤیێن باش کرینە بەری پشکداری ڤێ خولێ بن و ژلایێ یاریکەران ڤە ژی چو کێماسی نینن و زێدەتر گوت: ب تنێ مە ئاریشەک دێ ھەبیت ئەوژی بەری نوکە مە راھێنانێن خوە ل یاریگەھا مەزن دکرن و ماوێ سێ چار روژانە ھولا چالاکیێن وەرزشی بو مە ھاتیە تەرخانکرن و یاری د ل ناڤا ھولێ ھێتە کرن ب و دبیت گوھارتنا جھی کارێکرنا خوە ل سەر تیم و ئاستێ یاریکەرێن مە ھەبیت و ھەمی شیانێن مە بو تومارکرنا دەستپێکەکا باشن.
ھەر ژ یاریێن ڤێ کومێ کو دێ سوبەھی روژا ئەینی ھێنە ئەنجامدان تیما فوتسالا ئافرەتێن ھەولێر دێ یاریەکا بھێز بەرامبەر ئافرەتێن ئارارات کەن ل ھولا فرەنسو حەریری ل ھەولێرێ، د یاریێن کوما ئێکێ دا ئەفرودێت یا سلێمانیێ ل گەل کچێن پیرەمەگروون یاریا خوە کەت ھولا پەروەردا سلێمانیێ و دیسان فوتسالا کچێن رانیە ژی ھەمبەر تیما ئافرەتێن دەروازە ئەنجامدەت، ھەمی یاری ژی دێ دەمژمێر سێ و نیڤ ئێڤاری ھێنە ئەنجامدان.
