سودانێ ژی قەر یێن داینە عیراقێ
ئه‌ڤرۆ نيوز:
ل دووڤ زانیاریێن دەست بەرپەرێ بازار ل رۆژناما ئەڤرۆ کەفتین ژمارەکا وەلاتان ل سەر ئاستێ جیھانێ دەین ل عیراقێ نە و ھێشتا ھندەک دەین یێ ل سەر دەمێ رژێما گور ب گورن، سالانە قازانج ژی ل سەرە.
نەجیبا نەجیب ئەنداما لژنا دارایی جڤاتا نونەرێن عیراقێ ژ فراکسیۆنا پارتی دیموکراتی کوردستان بۆ بەرپەرێ بازار ل رۆژناما ئەڤرۆ گۆت: ل دووڤ خواستا مە کو نڤیسارەک بۆ ئیدارا دارایی بلند کربوو کو مە داخاز کربوو کا چەند دەین ل سەر عیراقێ نە بۆ مە بھێنە دیارکرن.
نەجیبایێ گۆت: ھەتا دووماھی یا سالا 2005 دەین ل سەر عیراقێ 91 ملیار و 284 ملیۆن و 300 ھزار 810 دۆلار ، ھەتا دووماھی یا سالا 2014 دەین ماین 13 ملیار 697 ملیۆن و 550 ھزار488 دۆلار بووینە.
ناڤبریێ ئەو چەندە ژی گۆت: پارێن عیراقێ قەرکرین نێزیکی 20 ملیار دینارانە، پێنچ ملیار و نیڤ پارێ سندوقا دەولی یە، بەنکا دەولی دو ملیار دۆلار وەرگرتینە، وەلاتێ یابانێ شەش ملیار ژێ وەرگرتینە.
نەجیبایێ گۆت: پتر شەش ملیاران دەینێن وەلاتێ کوێتێ نە، ھەمان ئەنداما جڤاتا نونەران ئاشکراکر کو چەندین وەلاتان سکالا ل سەر عیراقێ تۆمارکرینە و گۆت: پارێ ئەڤان وەلاتان ھاتینە دیارکرن،لێ ھەتا نوکە ئەڤ کێشە دھەلاویستی نە و ل دادگەھانە، ئەو وەلات ژی ئەڤە نە( ئوردن، مەغرب، سودان، پاکستان، مسر، بەرازیل) دەینێن ئەڤان وەلاتان ژ 13 ملیار و 263 ملیۆن دینارن و ئەڤە داخازکرینە، (سعودی، ئیمارات، کوێت، قەتەر) پتر ژ 7 ملیارانە، کویێ گشتی 41 ملیار 671 دینارن بتنێ داخازیێن دەولەتانە و ھێشتا ئەڤە ھەلاویستی نە و ب دووماھی نەھاتینە.
ھەمان ئەنداما جڤاتا نونەران ئەو ئێکە ژی دیارکر سالانە پشکەکا ئەڤان دەینان دھێتەدان و دیسان قازانج ژی ل سەر ھەیە، رێژەکا قازانجێ دچیتە سەر سالانە. نەجیبایێ گۆت: سالانە رێژەکا بۆدجا عیراقێ بۆ دانا دەینان دچیت و سالا بوری دەینێن کوێتێ پاش ئێخست بوون و ئەڤ سالە ژی ھاتنە پاش ئێخستن، وەلاتێن دی سالانە دھێنەدان و گەل فایدێن وێ و سالانە نێزیکی 3 ملیار و 700 ملیۆنان دۆلاری دەتن.
ھەمان جڤاتا نونەران گۆت: ل سالا 2005 سندوقا نەقدی یا دەولی ل عیراقێ بوری و 80% پارە بۆ ھێلا و بتنێ داخازا 20% کر.
نەجیبا نەجیب گۆتژی: ھەرێما کوردستانێ ل دووماھیا سالا 2005 ھەتا دووماھیا سالا 2013 پارێ ل عیراقێ 27 تریلۆن 300 ملیار دینارن، 16 ملیۆن ل سالا 2014 نە، ھەموو دبنە 43 تریلۆن دینارێن عیراقی، پێشمەرگە و پترۆل دۆلارن.
