سوز دایێ خارنێ بو بکریت
ئه‌ڤرۆ نيوز:
راھێنەرێ یانا فولھام یا ئنگلیزی سوز دایە دانەکێ خارنێ یێ بلەز بو یاریزانێن تیما خوە بکریت پشتی ھەر یاریەکا وان ب دووماھی بھێت و تورا گولا وان نەھێتە ھەژاندن وەکو بزاڤەک بو رکمانیکرنێ و ھاندانا یاریزانا ژبو خوە قورتالکرنێ ژ داکەفتنێ بو خولا پلا ئێک.
کلاودیو رانێری ئەوێ ئەرکێ راھێنەریا یانا فولھام ل شوونا سلاڤیسا یوکانوڤیتش وەرگرتی پشتی بورینا 12 یاریان ژ دەستپێکرنا خولا پلا نایاب یا ئنگلیزی ب ئەگەرا ئەنجامێن خراب یێ داخوازکریە ب لەز خەلەتیان چارەسەربکەت داکو ب سەرکەڤیتە پێشیا رێزبەندا خولێ.
ئەف سوزا ڤی راھێنەری ددەمەکی دایە کو دانێن خارنا ب لەز دبیتە ئەگەرێ کیشا زێدە بو یاریزانا، لێ نەبویە رێگر بو رانێری کو سوزا خوە ب جە نەئینت و بو یاریزانا دیارکریە دانەکێ خارنا ب لەز ماگدانوز بو بکریت ب ھەمان شێوازێ ل یانا لێستر سێتی ب کار دئینا ل وەرزێ 2015- 2016 کو پشتی ھەر سەرکەفتنەکێ بیتزا بو یاریزانان دکرین کو ل وی وەرزی یانا لێستر ناسناڤێ خولا ئنگلیزی ب دەستڤە بربوو.
یانا فولھام نوکە ل رێزا دوماھیا رێزبەندێ دھێت ب پێنج خالان پشتی بورینا 12 یاریان ئەوژی ژ سەرکەفتنەک و دو وەکھەڤیان و توشی نەە خوسارەتیان بویە و ل شەش حەفتیێن دووماھیێ نەشیایە چو خالان ب دەستڤە بینت.