سوور، جزیر و سلۆپی دهولهتن؟
ل باكوورێ كوردستان شهرێ دژوار بهردهوامه و مخابن ههر رۆژ وهلاتیێن سڤیل تێن كوشتن. حوكمهتا ئاكهپێ ههر رۆژ ل گۆر داخوازێن خوه بریارا د دهت و گوههرتنێن مهزن ل باكوورێ كوردستان پێك تینت. مخابن ئهڤ گوههرتن نه ژ بۆ بهرژهوهندیێن كوردا یه. ب راستی ژ بۆ كۆنترۆلكرنا گهلێ كورد و بنپێكرنا مافێن مرۆڤا یه. یانی حوكمهتا ئاكهپێ ل گۆر داخوازێن خوه ل سهر گهلێ كورد و كوردستان لیستۆكان دلیزت!
سهرۆكوهزیرێ توركیا د داخوَیانی یێن حوه دا ئاشكهرا كر كو وێ ل باكوورێ كوردستان هنهك باژار و ناڤچهیان بگوهۆڕینن. ئانكو ئێدی جزیر وێ ب بت ناڤهندا باژارێ شرنهخێ. ب كیژان ئارمانجێ ڤی تشتی دخازن هوون ژی باش دزانن. ژ بهر كو ل گۆر قانوونا ئهساسی نكارن ب دائیمی لهشكهران و سوپایێن خوه ل جیزرێ بهێلن ب لیستۆكهكا بێ قانوونی گوهۆرینێن وهسان پێك تینن. مخابن ڤان گوهۆڕینا وێ رۆژ ب رۆژ ل سهر باژار و ناڤچهیێن دن ژی بهردهوام بكن. حوكمهتا ئاكهپێ ژ بۆ بهرژهوهندیێن خوه پرۆژهیهك ئاماده كریه و ل گۆر وێ پرۆژهیێ ههر تشت دكه بن كۆنترۆلا خوه. رێڤهبهرێن ئاكهپێ ژی باش دزانن كو نكارن ب ههلبژارتنێ شارهداریا ب دهست بێخن لێ ب ڤان لیستۆكێن قرێژ دخازن كو شارهداری و ناڤچهیێن باژارا بكهڤن بن كۆنترۆلا وان.
ههر چقاس حوكمهتا ئاكهپێ ڤان ئوپهراسیۆنان دڤهشێرت و ناهێلت كو ئاگههیێن زهلال ب رایا گشتی ره وهره پارڤهكرن، ئهو وێنه و دیمهنێ كو تێن دیتن د دهت خویاكرن كو ل سوور، جزیر و سلۆپی چ دقهومت! یانی ههم گهلێن سڤیل تێن كوشتن ههم ژی باژار و ناڤچه تێن تالان كرن! ژبۆ كوردان ئهڤه پرۆژهیهك غهریب نینه. د سالێن 1915 و 1925ان دا ل باكوورێ كوردستان باژار و ناڤچه هاتنه تالان كرن و گهلێ كورد هاتیه كۆچبهر كرن. پشتێ كۆچبهریا كوردان حوكمهتا وێ دهمێ ل گۆر بهرژهوهندیێن خوه گهلێن نهكورد ئانینه باژار و ناڤچهیێن كوردا و ههموو كار و خهباتێن فهرمی كریه دهستێ وان. یانی ب ئابووریێ ژی پشتهڤانیا وان كریه. گهلێ كورد ژی برسی، تازی و دهربهدهر ما! نوكه سیاسهتا وی دهمی یا توركا دوباره ل سهر گهلێ كورد تێ لهیستاندن. د سهدسالا 21همین دا ههبوون و تنهبوونا كوردا وێ نهخشهیێن رۆژهلاتا ناڤین ژی بگوهۆڕینت. ژ بهر وێ حوكمهتا ئاكهپێ ههم ل سهر پۆلیتیكایێن رۆژاڤا ههم ژی ل سهر باكوور ب ئاوایهكێ هۆڤانه ددۆمت. مخابن وهلاتێن ههڤپهیمان ژی ل سهر ڤێ رهوشێ چاڤگرتی دمینن. ههری داوی ل جیزرێ زارۆكهك كورد حوسهین ئاكسۆی كو هاتبوو برینداركرن و ئاگاهیا دادگههێن مافێن مرۆڤا ئێ ئهورۆپا ژی ههبوو لێ مخابن ژ بهر كو ئهو پاراستنا مافێن مرۆڤا پێك نائینن حوسهین ئاكسۆی ژیانا خوه ژ دهست دا! مخابن گهلهك وهلاتیێن كورد ب ڤان هێریشا هاتن كوشتن و هێ ژی وهلاتێن ئهندامێن ناتۆیێ ل ڤێ كۆمكوژیێ گۆهدار دكهت! جارهكا دن كورد ب تهنا سهرێ خوه مانه و وێ چارهسهریا خوه ب دهستێ خوه پێك بینن. لێ چقاس بالكێشه كو هێ ژی كوردێن ژ بۆ پهرهیان جاشاتیێ دكهن و ل ناڤچهیا سوورێ پشتهڤانیا هێریشا دهولهتا تورك دكهن! فهرماندارێ گشتی یێ ئهولههیێ گۆتبوو كو ل جزیرێ 150، ل سلۆپی 100 و ل سوورێ ژی ب قاسێ 250 كهس ههنه كو چهك د دهستێ وان دا یه. ل جزیرێ 10 ههزار سوپایێ ترك، ل سوورێ ب ههزاران تیمێن تایبهت، تانك تۆپ، 1200 جاش(كۆروجی) و 150 هێزێن ههری ب قهوهت ئێن توركی د ناڤ ڤی شهری دا یه! گهلۆ ئهڤه شهرێ ناڤ دهولهتا یه ؟؟
