سووریێ تووشی شەڕەکێ ناڤخوەیی بوویە
ناڤەندا چاڤدێریا مافێن مرۆڤی یا سووریێ راگەهاند کو شەڕێ د ناڤبەرا دورزویان و لەشکرێ سووریێ دا رۆژ ب رۆژێ دژوارتر لێ دهێت و هەتا نها پتر ژ سەد کەسان بووینە قوربانی و شێخێ دورزیان ژی وەسا دبینیت، کو هەلوەستێ خراب یێ تۆم باراکێ نوونەرێ سەرۆکێ ئەمریکا ل سووریێ بوویە ئەگەر چەکدارێن سەر ب ئەحمەد شەرع ئێرشی دورزیان بکەن، یا نها روو ددەت شەڕەکێ ناڤخوەیی یە و هەکە شەڕ نەهێتە راگرتن دێ ئەو یەک کاریگەریا خوە یا گەلەک خراب بۆ پاشەرۆژا سووریێ هەبیت، چونکی دورزی ب چو رەنگەکێ قەبوول ناکەن بێی ماف ل سووریێ بژین.
ل ئالیێ دی هەر دوهی فەرمانداریا گشتی یا هێزێن سووریا دیموکرات ژی دیار کر، دڤێت شەڕێ نها ل سووریێ بهێتە راگرتن، چونکی بەردەوامیا شەڕێ نها دێ سووریێ بەر ب چارەنڤیسەکێ نەدیار ڤە بەت و پێدڤیا سووریێ ب ئارامیێ، ئاشتیێ و پێکڤەژیانێ هەیە.
