سووریێ پەیوەندیێن خوە ل گەل بریتانیا ئاسایی دکەت
دەیڤید لامی وەزیرێ دەرڤە یێ بریتانیا د سەرەدانا خوە یا بۆ شامێ دا ل گەل ئەحمەد شەرع سەرۆک کۆمارێ سووریێ و وەزیرێ دەرڤە یێ وی وەلاتی کۆمبوو و پشتەڤانیا وەلاتێ خوە بۆ خەلکێ سووریێ دیار کر و راگەهاند، کو بریتانیا دڤێت ل گەل سووریێ دەست ب قووناغەکا نوو بکەت و بەرهەڤە د ڤێ رەوشا ئالۆز یا دارایی ل سووریێ دا هاریکاریا وی وەلاتی بکەت.
ل هەمبەر دا ئەحمەد شەرع سەرۆک کۆمارێ سووریێ ژی دیار کر، وەلاتێ وی دڤێت ل گەل هەموو وەلاتێن ئۆرۆپی پەیوەندیێن خوە باش بکەت و ب تایبەتی ژی سووریێ دڤێت د رەوشا نها دا پەیوەندیێن گەلەک باش ل گەل بریتانیا هەبن و سوپاسیا سەرەدانا وەزیرێ دەرڤە یێ بریتانیا کر و هیڤی خواست سەرەدانا وەزیرێ دەرڤە ببیتە دەستپێکەکا نوو بۆ باشترکرنا پەیوەندیێن هەردو وەلاتان.
چاڤدێرێن سیاسی ژی وەسا دبینن، سەرۆک کۆمارێ سووریێ نها پتر پێدڤیا وی ب پشتەڤانیا دەرڤە هەیە و ب تایبەتی ژی دڤێت پەیوەندیێن وەلاتێ خوە ل گەل ئەمریکا، بریتانیا و وەلاتێن ئێکەتیا ئۆرۆپا باش بکەت.
