سوپایێ عێراقێ كونترۆلكرنا باژێركێ قائیم راگه‌هاند
ئه‌ڤرۆ نیۆز ، نه‌وزاد هلۆرى:
سوپایێ عیراقێ كونترۆلكرنا ناحیا قائیم لسه‌ر سنوورێ سوریا ل سنوورێ پارێزگه‌ها ئه‌نبار راگه‌هاند ، و بڤێ یه‌كێ ژى هه‌موو ده‌ڤه‌رێن ل ژێر ده‌ستهه‌لاتدا داعش دا هاتنه كونترولكرن.
ل دووڤ ئه‌وان پێزانین كو سوپایێ عیراقێ به‌لاڤكرین پشتى بو ده‌ما حه‌فتیه‌كێ لسه‌ر ده‌ستپێكرنا كونترولكرنا سه‌نته‌رێ ناحیا قائیم ل سنوورێ پارێزگه‌ها ئه‌نبار ل نێزیك سوریا ئه‌ڤرۆ سه‌نته‌رێ ناحیێ هاته كونترولكرن و هێزێن عیراقێ ده‌ست ب پێشره‌ویان كر بو ده‌ڤه‌رێن ده‌ردورا قائیم.
ناحیا قائیم كو هه‌ڤسنووره ل گه‌ل باژێرێ دێره‌زور ل سوریا دبیته داوى باژێر ل عیراقێ كو لژێر ده‌ستهه‌لاتا داعشێ بو ، و هاته كونترولكرن بڤێ یه‌كى ژى ده‌ستهه‌لاتا داعش ل عیراقێ داوى هات و هه‌ر ل گوره‌ى زانیاریێن سوپایێ عیراقێ چه‌ند روژێن بهێت ئه‌و چه‌كدارێن كو ل گوندێن ده‌ردورا قائیم مایین ژی دێ هێنه ده‌ركرن.