سویجێ مەزن

سەیفوللا محەمەد

د زانم كو دوژمن هەر چی ژ دەست تێ
د هێڕشدە هار و سەرخوەش و مەست تێ
چ كرتن و چ كوشتن و چ سۆتن
بۆ قڕكرنا مە كوردان وان مەبەست تێ
× × ×
گەهایە مە ژ كالان نامە و پوست
كو دوژمن قەت چ جاری نابنە دوست
نە ب سالان نە ژی چاخ و چ دەما
نە ژی دنیا بێتە ئێك و ببت بوست
× × ×
لێ مخابن كورد ب ڤێ پڕ خشیمن
لەو چ جاری نە یەك ڕێز و یەك تیمن
ئەز چ بێژم گوه نەدان سەیدا خانی
دێ چ گوهدن هەژارەكی وەكو من
× × ×
ژ سەربۆران مە قەت نەگرت چ وانە
ئەڤە بۆ مە مەزنترین تاوانە
بەس ب بێژن چەرخا فەلەك ب سویجە
سویجێ مەزن هەر ژ مە بخوە كوردانە
× × ×
هزار سال گەر ب بۆرن چەرخا فەلەك
گەر سۆزا مە ژ بۆ دوزێ نەبت یەك
دێ هەر مینین كۆلە و بەند و بندەست
قەت نابینین چ ئالا و چ دەولەت.

کۆمێنتا تە