سوید خوە بۆ شەڕی بەرهەڤ دکەت
کارل ئۆسکار بۆهلین وه‌زیرێ پاراستنا سڤیلان یێ حوکمەتا سویدێ، د داخۆیانیه‌کێ دا ل یەک ژ بنگەهێن سەربازی یێ وی وەلاتی راگه‌هاند کو گه‌فێن رۆسیا ل سه‌ر ئۆرۆپا مەترسیدارن و دڤێت ئاماده‌کاری بۆ شه‌ڕی بهێته کرن و گۆت: (شه‌ڕێ ل ئۆکرانیایێ گه‌له‌ک درێژ بوو و رۆسیا به‌رده‌وامیێ دده‌ته ئێرشێن خوه و گه‌فه‌کا مه‌زن ل سه‌ر هه‌موو ئۆرۆپا دروست دکریە و دڤێت ئه‌م ژی وه‌کو وه‌لات و وه‌لاتیێن سویدێ خوه بۆ شه‌ڕی بەرهەڤ بکەین، چونکی ئارمانجا رۆسیا گەلەک خرابە و دڤێت ئەم ب هەموو رەنگەکێ د ئامادەباشیێ دا بین).
ناڤهاتی ئەو یەک ژی دیار کر کو ئه‌ڤە چەند سالن سوید د ناڤ ئاشتیێ دا دژیت و ئاشتی بوویه پشکه‌ک ژ که‌لتورێ وه‌لاتێ وان و گۆت: (دڤێت ئه‌م راستیێن ل ئۆرۆپا و رۆسیا قەبوول بکەین، رۆسیا رۆژ ب رۆژێ پتر بهێز دکەڤیت و دشێت ئێدی مەترسیێن گەلەک مەزن بۆ هەموو وەلاتێن ئۆرۆپا دروست بکەت، ژ بەر ڤێ یەکێ ژی دڤێت سوید بەرهەڤیان بۆ شەڕی بکەت).
