سيسته‌مێ iOS باشتره يان android؟
هیلین سالم:
دڤێ جیهانا نها ئەم تێدا دژین مۆبایل بوویە ئامیرەکێ زیرەک و پێشکەفتی و ئامیرەکێ گرنگ بۆ خەلکی کو رۆژانە بکار دئینين، گەلەک جورێن مۆبایلان هەنە و سیستەم و بەرنامێن وان د جیاوازن لێ سیستەمێ ios و سیستەمێ android گەلەک د زێده‌نه ل دەف مە لڤێرێ دێ بەحسێ وان هەردو سیستەما کەین کا کیش ژ وان باشتر و ب ساناهیترە بۆ مە.
سیستەمێ ios بەرنامەکێ ب ساناهی و رێکخستی هەیە و هەموو ئامیرێن ئەپل وەک ئێک کار دکەن بۆ نموونە ئەگەر مرۆڤ ئایفونەکێ بکاربینیت دێ شێت هەموو ئامیرێن دی یێن ئایفونێ بکاربینیت سیستەمەکێ ئێکگرتی و بێ گوهڕین هەیە، سيستەمێ android پتر یێ گونجایە و بکارئينەر دشێت گەلەک تشتا ب دلێ خوه ب گوهۆڕیت و ئاپێن وى پتر و خوشترن لێ ئەڤ سیستەمە ل سەر گەلەک جۆرێن مۆبایلا دهێتە بکار ئینان ئەڤێ چەندێ ژی وەکریە کو سیستەمەکێ ئێکگرتی نەبیت.
ios ب ئاپستوريا خوه یا ناڤدارە چونکو چاڤدێریا ئاپا دکەت بەری کو بەلاڤ بکەت لەورا کێمتر ئاپ د سیستەمێ ios دا هەنە و سیستەمێ وێ یێ دایخستی کونترۆل و سێکیورێتیا وێ باشتر کریە و یا دوورە ژ ڤایروسان. بەلێ سیستەمێ android یێ ڤەکریە چاڤدێریا وێ کێمترە و گوگل پلەيی ئەپێن خراب و فەیک پتر تێدا هەنە و دبیتە ئەگەر هێرش و ڤایروس زێدەتر ببن بەلێ خالا باش ئەوە کو سیستەمێ android دشێت ئاپێن ژ دەرڤەی گوگل پلەی ژی بهێنە داونلو دکرن. هه‌ر چه‌نده نها ئه‌ڤ خزمه‌ته ل سيسته‌مێ ios ژى ل به‌رده‌سته.
iosب تنێ ل سەر ئامیرێن ئەپل کار دکەت لەورا ب گشتی بهایێن وان دگرانن، بەلێ کوالێتیا وان یا باشە لێ android ل سەر گەلەک ئامیرا دهێتە بکار ئینان یێن ئەرزان و یێن گران لەورا بکرێن وێ پترن.
ئەنجام:
iOS باشترە ئەگەر بکارهێنەران بڤێت:
– سیستەمەکێ ب ساناهی هەبیت بۆ بکارئینانێ.
– سێکیوریتیا بلند و پاراستنا تایبەتمەندیێن کەسی.
– ئێکگرتنا باش د گەل ئامیرێن دی یێن ئەپلێ.
– ئەزموونەکا ئێکگرتی د ناڤبەرا هەموو ئامیرێن ئەپل دا.
Android باشترە ئەگەر بکارهێنەران بڤێت:
– زێدەتر گونجاندن و کۆنترۆل هەبیت.
– ئامیرێن ئەرزانتر.
– ئازادیەکا زێدەتر بۆ داونلودکرنا ئاپا.
– هەلبژارتنەکا بەرفرەهتر ژ ئامیرێن جودا جودا.
ل دووماهیێ دێ بێژم، هەلبژارتنا سیستەمی ڤەدگەریێت بۆ پێدڤیێن کەسی و حەزا هەوە.
