سپێدەیەكا بهارێ
سندس سالح سلێڤانەیی
ل گوندەكێ بچویك، ل بن سیبەرا چیایێن بلند، كچكەكا جوان ل وێرێ دژیا، ناڤێ وێ گولێ بوو. گولێ و دایكا خوە ب تنێ دژیان پشتی بابێ گولێ چوویە بەر دلۆڤانیا خودێ. ئەو و دایكا خوە ب شێوازێ خوە یێ رۆژانە دژیان، كارێ جۆتیاریێ دكرن و پەز خوادن دكرن و ددوتن. رۆژەكێ، ل دەمێ گولێ ل دەشتێ پەزێن خوە ددوتن، بارانەكا گەلەك بهێز دەست پێكر. گولێ پەزێن خو كۆمكرن و بەرەف شكەفتەكا نێزیك چوو. ل ناڤ وێ شكەفتێ دیت كو كوڕەكێ بریندارێ تێدایە. ئەو ژی شڤانەك بوو ژ گوندەكێ دی هاتی و ل دەمێ باران و بایێ بهێز هاتی كەفت بوو و پێ وی هات بوو شكاندن. گولێ هاریكاریا وی كوڕی كر و برینا وی پێچا. وی كوڕی ناڤێ خوە بۆ گۆت و خوەن دا نیاسین، ناڤێ وی روستەم بوو. روستەمی گۆتە گولێ كا چەوا ئەو هاتە وێ شكەفتێ و چاوا برینداربوویە.پشتی رۆژەكا درێژ بسەرداهاتی، گولێ روستەم گەهاندە گوندێ وان، ل وێرێ دایكا گولێ هاتە بەراهیكا وان و ئەو كرە مێڤانێ خوە. پشتی دەمەك بۆری، گولێ و روستەم بوونە هەڤالێن ئێك. روستەم ل گوندێ وان ما و دەست ب كارێ شڤانیێ كر. خەلكێ گوندی ژی حەژێكر ژبەر دلۆڤانی و سەربلندیا وی. گولێ و روستەمی رۆژ بو رۆژێ ئێكودو باشتر نیاسین و دلێ وان كەتە ئێك.. ل دوماهیێ گولێ و روستەمی ژیانا هەڤژینیێ پێك ئینان و ژیانەكا نوی دەست پێكرن. وان گوندێ خوە ئاڤاكر و هەردو ب هاریكاریا ئێكودو كارێ شڤانیێ دكرن. دایكا گولێ ژی پێ كەیفخوەش بوو كو كچا وێ كەسەكێ دلۆڤان و باش دیتی. ب ڤی رەنگی، ل وی گوندێ بچویك، چیرۆكا ئەڤینا گولێ و روستەمی بوو مینا چیرۆكەكا دەڤ ب دەڤ، و خەلكێ گوندی هەمی ژێ فێربوون كو چەوا ئەڤین دشێت ژیانێ ب گوهۆڕین بێخت و خوەشییێ پەیدا كەت. هەتا نوكە ژی، دەمێ خەلك بەحسێ ئەڤینێ دكەن، چیرۆكا گولێ و روستەمی دئێتە گۆتن، ئەڤ چیرۆكە مە فێردكەت كو ژیان هندەك جاران ب رێكێن سەیر مە دگەهینیتە ئارمانجێن مە، و دڤێت ئەم هەردەم دلێ خوە ڤەكری بهێلین بۆ تشتێن نوی و چاكیێن كو دكەڤنە د رێكا مە دا. هەروەسا، ئەڤین و دلۆڤانی دو هێزێن مەزنن كو دشێن ژیانا مرۆڤی بگوهۆڕن و خوەشتر لێ بكەن.
