سۆتنا (ئالاى).. نۆرماله؟!
ئالا ل پرانیا وه‌لاتان سمبوله‌كا هه‌تا راده‌یه‌كێ پیرۆزه, لێ گه‌له‌ك وه‌لات ده‌رفه‌تێ دده‌ن كو وه‌لاتێن وان د خوه‌نیشادان و گردبوونان دا بسۆژن؟! ئانكو ئالا ل گه‌له‌ك جهان دهێته سۆتن و چو ره‌نگڤه‌دانه‌ك نابیت. لێ ل زۆره‌كا وه‌لاتان سۆتنا ئالاى قه‌ده‌غه‌یه و تاوانه و ل هنده‌ك وه‌لاتا سۆتنا چو ئالایه‌كى ده‌ستویرداى نینه, دبێژن ل رۆژئاڤا ئالایێ كوردستانێ یێ هاتى سۆتن, ل ده‌ف من نۆرماله ل رۆژئاڤا ئالایێ كوردستانێ بهێته سۆتن، هه‌كه ئه‌م بزانین چ ره‌نگه ئایدولۆژیه‌ك بالاده‌ست و حكمرانه ل رۆژ ئاڤا, ل رۆژئاڤا ئایدولۆژیه‌كا حكمران د هه‌مى (ئه‌ده‌بیاتێن) خوه دا نه‌ك دانێ ب شۆره‌ش و به‌رخودان و قوربانى و كاركته‌رێن دیرۆكى و نه‌ك ب ناڤێ كوردستانێ و نه‌ك ب سیمبولێن كوردستانێ دا ناده‌ت, هه‌ر تاك و گرۆپه‌كێ هه‌لگرێ بیرا وان یان سیبه‌را وان نه‌بیت نه‌ك ئالا به‌لكو مرۆڤان ژى بسۆژن دێ تشته‌ك نۆرمال بیت؟! ل رۆژئاڤا وه‌لاته‌كێ دهێته برێڤه‌برن ل سه‌ر بنیاتێ (حزبا القائد) و سه‌رۆكێ (الزه‌روه) و خاینكرنا هه‌ر كه‌س ئالیه‌كێ باوه‌رى ب وان (نڤشت و جیڤانۆكێن) وان نه‌بیت, جارى (كوره) بیت نه‌ڤێت رۆژئاڤا ل هه‌مى واره‌كێ ژ كوردستانا عێراقێ باشتر بیت دیمۆكراتیتربیت ئازادتر بیت پتر رێزێ ل مافێ مرۆڤان بگریت گه‌شه‌یه‌كا ئابووریا باشتر ژ هه‌مى ئالیان هه‌بیت. زیندانێن سیاسى نه‌بن و باشترین په‌یوه‌ندى ل گه‌ل جیهانێ هه‌بن و باله‌فرخانا قامشلۆ یا سڤیل و نیڤده‌وله‌تى بیت و….هتد, لێ ئه‌ڤ جار سالێن حكمرانیا رۆژئاڤا دلگه‌ل ئه‌و په‌رێ رێزێ بۆ قوربانى و شه‌هیدێن كوردستانێ ل ئاستێ رۆژئاڤا داین, لێ ئالیێ مه‌ده‌نى و سڤیل و حكمرانى نموونه‌كێ هه‌رفتى و ژه‌نگى یێ حوكمرانیێ پێشكیش كر, ل رۆژئاڤا وه‌لاتێ (حزبا حاكم) و ب تنێ دهێته هاژۆتن, ل رۆژئاڤا ب تنێ ژیان بۆ ئالیه‌كێ یه و هه‌مى نه‌یارێن سیاسى یان ل زیندانانن یان ئاواره‌نه, ل رۆژئاڤا چو ده‌قه‌ك یاسای وچو قه‌واره‌كێ زه‌لال نینه, ل رۆژئاڤا هێشتا (به‌عس) ژ پارتێن كوردیتر ئازادتره؟! ل رۆژئاڤا بۆ پتر ژ ده‌وله‌ته‌كێ خوینا كوردان هاتیه رێتن، ل رۆژئاڤا ملله‌ته‌كێ زیندى و مه‌رد و خودان هه‌لۆیست هه‌یه لێ د زیندانه‌كا مه‌زن دایه و ب لۆژیكێ (تڤه‌نگێ) سه‌ره‌ده‌رى دهێته كرن. هه‌مى ئه‌ندامێن (یه‌په‌كێ) قاره‌مانن, لێ سیاسه‌تا ب (وه‌كاله‌تا) (په‌یه‌دێ). ناڤونیشانێ كوردستانا رۆژئاڤا ئێخستیه ژێر هزار پرسیاران…..
